Nehemiya 13
IBBAIB63
13
Nehemiya mbwaakacita naakaboola lwabili kuzwa ku-Babuloni
1 # Dt 23:3; Am 2:1-3 Lino mubuzuba obo majwi aabbuku lya-Musa akabalwa mumatwi aabantu. Nkabela kwakajanwa kuti omo mubbuku mulilembedwe kuti mu-Amoni na mu-Moabu teelede kunjila mumbungano ya-Leza abuniini pe, 2#My 22:5; Jos 24:9; Dt 23:5; Int 109:28; Mik 6:5nkaambo kakuti teebakagwasya bana ba-Israyeli insima amaanzi, alimwi bakatamba Balamu kuti abatukile, nekubaboobo Leza wesu wakasandula lutukilo lube coolwe. 3#Neh 9:2; Jak 1:27Elyo nibakamvwa mulao, bakapambukanya kuba-Israyeli boonse bantu bavwelene.
4Lino Eliyasibu, mupaizi iwakapegwa milimo yatwaanda twamuŋanda ya-Leza wesu kali musazinyina Tobiya, 5nkabela kamubambilide kaanda kapati, nkubakataanguna kubika zituuzyo, atununkilizyo, azibelesyo, azipanzi zyakumi zyamaila azyawaini azyamafuta nzibakalaililwa kupa ba-Levi, abasikwiimba, abasimilyango, azituuzyo zyabapaizi. 6#Neh 5:14Pele ciindi eco coonse mebo teendakali ku-Jerusalemu, nkaambo mumwaka wamakumi otatwe aibili wa-Aritasasta mwami wa-Babuloni, ndakapiluka kumwami. Elyo kabe kaindi, ndakakumbila kumwami, 7ndeza ku-Jerusalemu. Nkabela nindakamvwa bubi Eliyasibu mbwaakacitila Tobiya, mbwaakamubambila kaanda mulubanza lwaŋanda ya-Leza, 8#Int 69:9; Mk 11:15-17; Joh 2:13ndakausa loko. Lino ndakasowa zibelesyo zyoonse zya-Tobiya anze lyakaanda. 9#2 Mak 29:5Nkabela ndakabalailila kusalazya twaanda, elyo ndakanjizya omo zibelesyo zyaŋanda ya-Leza acituuzyo atununkilizyo.
10 # Neh 10:37; Mal 3:8; 1 Tim 5:17,18; My 35:2 Nkabela ndakajana kuti ba-Levi kabatana kupegwa zyaabilo zyabo, aboobo ba-Levi abasikwiimba ibakacita milimo bakalicijide, umwi aumwi kumuunda wakwe. 11#Tus 28:4; 1 Sam 2:17Lino ndakakazyanya abasilutwe, ndabaambila kuti, Ino nkaambonzi iŋanda ya-Leza ililekedwe? Nkabela ndakababunganya, ndababika mumasena aabo. 12#Neh 12:44Lino ba-Juda boonse bakaleta cipanzi cakumi camaila acawaini acamafuta kuziyobwedo, 13#1 Kor 4:2Alimwi ndakabika basiziyobwedo: Selemiya mupaizi, a-Zadoki mulembi, a-Pedaya umwi waba-Levi; akusule lyabo, Hanani mwana wa-Zakuri mwana wa-Mataniya; nkaambo bakayeeyegwa kuti mbasyomesi, aboobo bakapegwa milimo yakwaabila bakwabo. 14#Neh 5:19Utandilubi, O Leza wangu, nkaambo kamakani aya. Utaziminganyi milimo yangu mibotu njindacitila iŋanda ya-Leza wangu aziyanza zyayo.
Bantu mbubakalaililwa kusalazya buzuba bwa-Sabata
15 # Kul 20:10; Jer 17:21 Mumazuba ayo ndakabona mucisi ca-Juda bamwi ibakali kulyataula mumalindi aakusinina masaansa buzuba bwa-Sabata, abamwi bakali kutebula maila akuyumuzya imbongolo ngao, awaini, amasaansa, ankuyu, azintu zimwi zyamisyobo misyobo, nkabela bakali kuzileta ku-Jerusalemu buzuba bwa-Sabata. Elyo ndakakazyanya abo mubuzuba nibakauzya zilyo. 16Alimwi kwakakala nkuko bamwi bantu ba-Turo ibakali kuleta inswi azintu zyoonse zyakusambala, bakali kuuzya kubana ba-Juda mu-Jerusalemu buzuba bwa-Sabata. 17Lino ndakakazyanya abapati ba-Juda, ndabaambila kuti, Ino ncinzi cintu eci cibi ncimucita kukubisizya buzuba bwa-Sabata, 18Sa bamauso banu teebakacita obo? Nciceeco Leza wesu ncaakaletela aya mapenzi oonse kulindiswe akumunzi wesu, Mulaletela cisi ca-Israyeli bukali mbumubisizya Sabata, 19#Lev 23:32; Kul 31:14-17; Neh 7:3Nkabela nikwakatalika kusia kumilyango ya-Jerusalemu kumatalikilo aa-Sabata, ndakalailila kuti bajale zitendele, batajaluli limbi mane buzuba bwa-Sabata bumane. Nkabela ndakabika bamwi balanda bangu kumilyango, kuti kutaletwi mukuli nuuba umwi mubuzuba bwa-Sabata. 20Elyo basambazi abasikuuzya zintu komwe na kobile bakakala-kala anze lya-Jerusalemu. 21Pele ndakabatapatila, ndati, Ino nkaambonzi mulakala-kala kubulambo. Na mwacita obo limbi, nzoomujata. Lino kuzwa kuciindi eco teebakabeola limbi buzuba bwa-Sabata, 22#Neh 12:30Nkabela ndakalailila ba-Levi kuti balisalazye, baze kuzoolindila milyango kukusalazya buzuba bwa-Sabata. Kondiyeeya, O Leza wangu, nkaambo kamakani aya. Kondifwida luse muluzyalo lwako lupati.
Bantu mbubakakasigwa kukwata banakazi beenzu
23Alimwi mumazuba ayo ngaonya ndakabona bamwi ba-Juda ibakakwete banakazi baku-Asidodi, ba-Amoni, aba-Moabu, 24nkabela bana babo bakali kwaamba majwi amwi aaci-Asidodi; teebakaambisya ci-Juda pe, bakali kuvwelanya myaambo yoonse yobile, 25#Tus 28:4; Dt 25:2; Ezr 7:26; 10:5; Neh 10:29,30Mpawo ndakakazyanya abo. Ndakabatukila, abamwi babo ndakabauma akunonkola masusu aabo. Nkabela ndakabakonkya kuli-Leza cikonke. Ndakaamba kuti, Tamweelede kupa bana babo balombe bana banu basimbi abana babo basimbi bana banu tabeelede kubakwata, anywebo tamweelede kubakwata. 26#1 Bam 11:1; 2 Sam 12:24,25Sa Solomoni mwami wa-Israyeli takwakabisya mumakani aya? Katakwe mwami uuelene awe akati kazisi zinji, nkaambo wakayandwa kuli-Leza wakwe, alimwi Leza wakamubika kuti abe mwami waba-Israyeli boonse, nekubaboobo banakazi beenzu bakamuwisya muzibi. 27#Ezr 10:2Lino sa tulakonzya kumuswiilila kukucita bubi bupati buli obo? Sa tulakonzya kubisizya Leza wesu kukukwata banakazi beenzu?
28 # Neh 12:10 Nkabela umwi wabana ba-Joyada mwana wa-Eliyasibu mupaizi mupati kakwete mwana musimbi wa-Sanibalati mu-Horoni, pele ndakamutanda. 29#Neh 6:14; Mal 2:4Utabalubi, O Leza wangu, nkaambo bakasofwaazya bupaizi acizuminano cabupaizi acaba-Levi. 30#Neh 10:30; 12:1Mbuboobo mbundakagwisya beenzu akati kabo. Alimwi ndakabikila inkamu zyabapaizi azyaba-Levi imwi aimwi milimo yazyo. 31Amilimo yazipo zyankuni kuziindi zyeelede ayakabalwebalwe, yoonse ndakaibamba, Kondiyeeya O Leza wangu. Kondicitila bubotu.