YouVersion Logo
Search Icon

2 Petro 3

3
Makani aakuboola kwa-Mwami
1 # 2 Pet 1:13 Nomuyandwa, ndoolu lugwalo lwabili ndundamulembela, nkabela mulingao oonse ndabusya kuyeeya kwanu kwinikwini kwakwiibaluka, 2#Jud 1:17kuti mukaibaluke makani aakaambwa kalekale kubasinsimi basalala amulao wa-Mwami Mufutuli ngomwaletelwa kubaapostolo banu.
3 # Jud 1:18; 1 Tim 4:1 Kukusaanguna mulazibisya kuti kumazuba aakumamanino kuyoosika basabuzi beenda muzisusi zibi zyamyoyo yabo beni, bayoosabula 4#Is 5:19; Ezk 12:22; Mt 24:48cakwaamba kuti, Ino kuli kuli kuboola kwakwe ukwakasyomezegwa? Nkaambo kakuti kuzwa kuciindi nibakafwa mataateesu, zintu zyoonse zicili mbubonya mbozyakabede kuzwa kumalengelo. 5#Matl 1:2,6-9; Mt 24:38; Int 24:2Pele balilubya-lubya caali kuti, Ijulu lyakalengwa kalekale, ayalo nyika yakanunwa mumaanzi akuyobolwa akati kamaanzi, kujwi lya-Leza, 6#Matl 7:11,21; 2 Pet 2:5alimwi eyo nyika yaciindi eciya yakanyonyoonwa kulingao, mboyakapayizigwa maanzi. 7Eno ijulu anyika nzi tu bona sunu zyayobwedwa lubeta, kujwi elyo ndilyonya, ziti kanyonyoonwe amulilo mubuzuba obo mbubayoobetekwa bantu basikasampusampu.
8 # Int 90:4 Pele nkucili cintu comwe ncimuteelede kuluba, nomuyandwa. Nceeci cakuti kuli-Jehova buzuba bomwe buli mbuli cuulu camyaaka, acalo cuulu camyaaka cili mbuli buzuba bomwe buyo. 9#Hab 2:3; 1 Tim 2:4Jehova taamusya ngaakasyomezya kale, mbobayeeya bamwi kuti wamuka, pe, pele ucimukazikila moyo, nkaambo tayandi kuti bantu bafwidilile, ulayanda kuti boonse bajane ciindi cakweempwa. 10#Mt 24:29,35,43; Lk 12:39; 1 Tes 5:2,3; Ciy 16:15; 20:11Buzuba bwa-Jehova bulasika mbubonya mbwasika mubbi, Kulimbubo ijulu liyooindilila acamuzunzumina mupati, tunyenyeezi tuyooyaka akubomboloka, ayalo nyika iyootentwa azicitwa kulinjiyo.
11Lino zintu ezi mbuziti kamaninine obo, nywebo muleelede kuba bantu bali buti mukweenda munzila iisalala amukulemeka Leza? 12#Is 34:4; Jud 1:5Mucilangila akuyandisya buzuba bwakusika kwa-Leza, mboliyoomana ijulu kukupya, atunyenyeezi notuyootentwa akweenzunuka, 13#Is 65:17; 66:22; Ciy 21:1,27Pele swebo tulangila ijulu ipya anyika impya, mbubonya mbuli mbwaakatusyomezya, Mulinzizyo momukala bululami.
14 # 1 Kor 1:7,8; Jud 1:24 Nkaambo kaako, nomuyandwa, mbumulangila zintu ezi, amusungwaale kujanwa mulikede muluumuno, mutakwe kabala, mutakwe kampenda mumeso aa-Leza, 15#Rom 2:4; 1 Kor 3:10Amuyeeye kuti kukazika moyo kwa-Mwami nkokuleta lufutuko, mbubonya mbwaakamulembela alakwe mukwesu uuyandwa Paulo, kubusongo mbwaakapegwa. 16Wakaamba makani aya mumagwalo aakwe oonse. Ayo magwalo alijisi amakani amwi mayumu kukumvwigwa, nkabela bataiyide abapilausi balasandula-sandula ayo makani, mbubonya mbobasandula aamwi magwalo, cakulinyonyoona beni.
Aakumamanino
17 # Mk 13:5,9,33 Pele nywebo nomuyandwa, mbomweezi kale aya, amukalicenjezye kuti mutalengwawidwi kulweeno lwabataka akujatuluzigwa kukujatila kwanu. 18#Jud 1:25Kamuya bukomena kuluzyalo amuluzibo lwa-Mwami Mufutuli wesu Jesu Kristo, Kulinguwe akube bulemu sunu alyoonse kukabe kutamani, Ameni.

Currently Selected:

2 Petro 3: Ibbaib63

Highlight

Share

Copy

None

Want to have your highlights saved across all your devices? Sign up or sign in

YouVersion uses cookies to personalize your experience. By using our website, you accept our use of cookies as described in our Privacy Policy