2 Petro 2
2
Makani aabaiyi babeji
(Juda 3-23)
1 #
Mt 24:11; 1 Tim 4:1; Dt 13:1; Jud 1:4 Pele kwakasika abamwi basinsimi babeji akati kabantu, mbubonya mbukuyooba baiyi babeji akati kandinywe. Aba bayoonjizya kumbali injisyo zinyonyoona, bayootama naba Mwami wabo uwakabanununa, aboobo bayoofwambaana kuliletela lunyonyooko. 2#Is 52:5Lino bantu banjibanji bayoobatobela muzisusi zyabo zibi, nkabela nkaambo kabaaba inzila yabwini iyoosampaulwa. 3#Rom 16:18; 2 Kor 9:5; 1 Tes 2:5Mululikumbuzyo lwabo bayoomunyanzya-nyanzya amajwi aalukukubiko. Nekubaboobo lubeteko ndubakabikilwa kalekale talukooyoomuka kusika, alwalo lunyonyooko lwabo talukonzyi koona,
4 #
Matl 6:1; Jud 1:6 Nkaambo Leza takabalekede nibaba baangelo abakabisya, pele wakabatonkela ansi, wakabajalila mutulambwe twamudima uusia mbi, wakabapa kuti bayobwedwe lubeta, 5#Matl 6:1–7:24; 8:18; 2 Pet 3:6Alimwi takailekede nyika yakalekale, pele wakamubamba Nowa, mukambausi wabululami, abamwi bali musanu mubabili, naakapazya maanzi kulibasikasampusampu boonse baansi. 6#Matl 19:24; Jud 1:7Alimwi wakaibeteka minzi ya-Sodoma a-Gomora, wakaitenta amulilo mane kwakasyaala itwe luzutu, kuti cibe ciluuzyo kulibaabo beenda cakasampusampu, 7#Matl 19:1-16pele wakamuvuna Lota uululeme, uwakali kukataazigwa akweenda kwabasizibi muzisusi zyabo zibi. 8#Ezk 9:4Nkaambo oyo muntu uululeme, naakali kukala akati kabo, mazuba oonse wakali kupenga mumoyo wakwe uululeme nkaambo kamilimo yabo mibi njaakali kubona akuswiilila. 9#1 Kor 10:13; Ciy 3:10; Jud 1:6Aboobo tulabona kuti Jehova ulizi kuvuna bamukomba kumasukusyo, akuyobola bataluleme mulukomo mane kusikila kubuzuba bwalubeta, 10#Jud 1:7,8,16kwaambisya abo bazumina kweenda muzisusi zifosweede zyabunyama, abaabo banenya bwami.
Ma! Aba basingulumukila balalipa bupati! Tabayoowi kusampaula balemu, 11#Jud 1:9anukuti baangelo, babainda kunguzu akubupati, tababikili imbeta zyakusampaula kubusyu bwa-Jehova, 12#Jud 1:10Pele abo bali mbuli banyama batakwe muyeeyo bakalengwa mbuli zinyama ziteegwa akunyonyoonwa, nkabela mbobaamba ncobatezi, balafwidilila akunyonyooka, 13#Jud 1:12aboobo balabisizigwa acibweedezyo cakubisya kwabo. Cintu cibabotela nkulilela lyoonse isikati. Ntotubala, ntotumpenda. Balalilela beni mumapobwe aabo ngobapobola akati kanu. 14Meso aabo alizwide mamambi, taaleki kubisya. Baloonga bapilausi, Myoyo yabo ilizibilide lulinyanzizyo. Mbana balutuko. 15#My 22:4-35#Ciy 2:14; Jud 1:11Basia inzila iiluleme, baleya, baakutola inzila ya-Balamu mwanaakwe Beori. Oyo musinsimi Balamu wakali kuyanda cilumbo cabutaka, 16#My 22:28pele wakabwekelwa kubutaka bwakwe mwini, nkaambo imbongolo iitakwe imputo yakaamba ajwi lyabuntu, yakasinkila bufubafuba bwakwe.
17 #
Jud 1:12,13 Aba bantu nzikala zitakwe maanzi, ningubi zipepuluka aguwo. Mbombabo bayobwedwa mudima uusia mbi. 18#Jud 1:16Balaamba majwi aakulitunkula amakani aatawo, aboobo baloongelezya azisusi zibi zyabunyama beenzinyina bati loboke kuzwa kulibaabo bateendi munzila imbotu. 19#Joh 8:34; Rom 6:16Balabasyomezya bulubusi, anukuti balo beni mbazike babubi, nkaambo kufumbwa cintu ncaazundwa muntu cilamucita muzike waco.
20 #
Mt 12:45
Kuti banooli bavunwa kubusofwaazi bwaansi kukuzibisya Mwami Mufutuli Jesu Kristo, elyo kusule babweedela kukusambailwa akuzundwa mbubo, ncobeni magolelo aabo abija kwiinda aalutaanzi. 21#Lk 12:47,48; Jud 1:3Nicakabota nibatakaziba inzila yabululami kwiinda kuti basaangune kwiiziba, elyo musule bafutatile mulao uusalala ngobapedwe. 22#Tus 26:11Kwababeda mbubonya mbobakaamba kasimpi kenikeni kakuti,
Mubwa wabweedela bulusi bwakwe mwini,
Alakwe nkuntula uwakasambide wabweedela kwaalabana mubutimba.
Currently Selected:
2 Petro 2: Ibbaib63
Highlight
Share
Copy
Want to have your highlights saved across all your devices? Sign up or sign in
The Bible in Tonga (Zambia) © United Bible Societies, 1963.