1 Johane 1
1
Buumi buteeli mbubwakayubununwa muli-Jesu
1 #
Joh 1:1,14 Tulaamba aceeco icakaliwo kuzwa kumatalikilo, ncitwakamvwa, ncitwakabona ameso esu, ncitwakalanga, icakajatwa amaanza esu, nkukuti Ijwi lyabuumi. 2#Joh 1:4,14(Nkaambo buumi bwakayubununwa, twakabubona, nkabela lino tulalungulula akuzibisya kulindinywe obo buumi butamani ibwakali a-Taata, ibwakayubununwa kulindiswe). 3Eco ncitwakabona akumvwa, nciconya, ncitumuzibisya anywebo, kuti anywebo mube aluswanaano andiswe. Ncobeni luswanaano lwesu luli a-Taata a-Mwanaakwe Jesu Kristo. 4#Joh 15:11; 16:24Aya makani ngitumulembela ngakuti kubotelwa kwanu kuzuzigwe.
Leza ngumumuni. Tuleelede kweenda mumumuni
5 #
Jak 1:17
Aya ngimakani ngitwakamvwa kulinguwe akumuzibisya anywebo, kuti Leza ngomumuni, mulinguwe tamukwe mudima abuniini. 6#1 Joh 2:4; Joh 3:21Na twaamba kuti tulijisi luswanaano anguwe, nekubaboobo tuleenda mumudima, twabeja, tatuciti lusinizyo. 7#Heb 9:14; Ciy 1:5; 7:14Pele na tuleenda mumumuni, mbubonya alakwe mbwali mumumuni, tulijisi luswanaano umwi aumwi, alimwi bulowa bwa-Jesu Kristo Mwana wakwe bulatusalazya kuzibi zyoonse. 8Na twaamba kuti tatujisi zibi, twalyeena lwesu tubeni, elyo lusinizyo taluli mulindiswe. 9#Tus 28:13Kuti twalyaamba zibi zyesu, walo ulasyomeka akululama, ulatulekelela zibi zyesu akutusalazizya zitaluleme zyoonse, 10Na twaamba kuti tatukwe twakabisya, twamucita mubeji, ijwi lyakwe talili mulindiswe.
Currently Selected:
1 Johane 1: Ibbaib63
Highlight
Share
Copy
Want to have your highlights saved across all your devices? Sign up or sign in
The Bible in Tonga (Zambia) © United Bible Societies, 1963.