2 Petro 1
1
1Ndime Simoni Petro, muzike aapostolo wa-Jesu Kristo. Ndamujuzya nywebo nomuli alusyomo luyandisi mbuli lwesu, ndomulolezedwe mubululami bwa-Leza abwa-Mufutuli wesu Jesu Kristo. 2#Jud 1:2Amuvuzizigwe luzyalo aluumuno mukumuzibisya Leza a-Jesu Mwami wesu.
Baleelede kusyomeka akuya buya kunembo lyoonse mubuumi bwabunakristo
3 #
1 Pet 2:9
Inguzu zyakwe, mbuzili zyabu-Leza, zilitupede zintu zyoonse zyabuumi azyankombelo, mukumuzibisya walo uwakatwiita kubulemu bwakwe mwini akuziyanza lyakwe zibotu, 4alimwi momulinzizyo mwaakatupa zisyomezyo ziyandisi zipati loko, kuti mulinzizyo, mube acaabilo, cabu-Leza akuvunwa kubusofwaazi bwaansi ano buzwa kuzisusi zibi. 5#Gal 5:6,22; Jud 1:3Nkaambo kaako, amusungwaale camoyo woonse, kuti kulusyomo lwanu muyungizizye bubotu, akububo, tu bwanu luzibo, 6akuluzibo lwanu lulyeendelezyo, akululyeendelezyo lwanu lukakatilo, akulukakatilo lwanu kulemeka Leza, 7#Gal 6:10akukulemeka Leza luyandano lwabunyina, akuluyandano lwabunyina moyo waluzyalo. 8Nkaambo kakuti makani aya anoomukalilide akuvula alamukasya kuba batolo nanka kubula micelo, mukuzibisya Mwami wesu Jesu Kristo, 9#1 Joh 2:9,11pele uutajisi makani aya moofu, ngusibbayibayi, mbwaakaluba kusanzigwa kwazibi zyakwe zyakalekale.
10Nkaambo kaako, nobakwesu, amusungwaale kusimpizya, lusinizyo lwakwiitwa kwanu alwakusalwa kwanu, nkaambo na mwacita aya makani, tamukooyoolebwa limbi, 11#Joh 3:5; 10:7aboobo muyoofonkwedwa bunjilo bwakunjila mu-Bwami butamani bwa-Mwanli Mufutuli wesu Jesu Kristo.
Wati, Nencipona nsikonzyi kuleka kumwiibalusya makani aya
12 #
Jud 1:5
Nkaako nsikooleka kumuyeezya makani aya lyoonse, nomwaaziba kale, alimwi mulijisi mulusinizyo ndumuli alo. 13#2 Kor 5:1Ndayeeya kuti ncibotu kumuyeezya obo nencili mucilao ecino, 14#Joh 21:18,19nkaambo ndizi kuti, kaba kaindi buyo, eci cilao cangu cileelede kumwaigwa, mbubonya mbwaakandaambila Mwami wesu Jesu Kristo. 15Alimwi ndasungwaalila kuti nendazwa, kamucinooya buyeeya makani aya lyoonse,
Wati, Makani aa-Kristo ngakusinizya, Mebo ndemwini ndakabona bulemu bwakwe atala acilundu
(Matayo 17:1-8; Marko 9:2-8; Luka 9:28-36)
16Nkaambo nitwakamuzibya makani aanguzu zya-Jesu Kristo akuboola kwakwe, teetwakali kutobela zyamankwangwaalizya zicitwa akusongwaalasongwaala kwabantu, pe, nkaambo twakabona bupati bwakwe mumeso, esu tubeni. 17#Mt 17:1-5; Mk 9:2-7; Lk 9:28-35Twakabona naakatambula kuli-Leza Wisi lulemeko abulemu, nkabela wakasikilwa eli ijwi lizwa kubulemu bupati lyakuti, Ngooyu Mwanaangu uuyandwa ngwenkondelwa. 18Eli ijwi twakalimvwa, lyakazwa kujulu notwakali awe kucilundu cisalala.
Magwalo aabasinsimi aalo alatubonya lusinizyo
19Mbubonya obo mbutwakasimpikizigwa lusinizyo lwamajwi aabasinsimi. Ayo majwi mulabotya na mwateya matwi kulingao, nkaambo ali mbuli ilampi limunika mumudima, mane kusikila kubucedo kumazwido aantanda mumyoyo yanu. 20Mulizi kale kuti masinsime aamagwalo taakoopandululwa kumuntu omwe, 21#2 Tim 3:16,17nkaambo teensi luyando lwamuntu lwakaleta businsimi kalekale, pe, pele bantu ba-Leza bakaamba mbobakasungulwa Muuya wa-Leza.
Currently Selected:
2 Petro 1: Ibbaib63
Highlight
Share
Copy
Want to have your highlights saved across all your devices? Sign up or sign in
The Bible in Tonga (Zambia) © United Bible Societies, 1963.