1 Petro 5
5
Zyeelelo zyabapati azyabakubusi
1 #
2 Joh 1:1; 3 Joh 1:1; Rom 8:17; Ciy 1:9 Eno ndaambila bapati bali akati kanu, nkaambo ambebo ndemwini ndi mupati, ndi kamboni wamapenzi aa-Kristo, ndi mwaabilwanyoko mubule mu buyooyubununwa. 2#Joh 10:12; 21:15-17; Flm 1:14; Tit 1:11; Inc 20:28; 1 Tim 3:2-7Ndati, amweembele butanga bwa-Leza buli akati kanu, alimwi kutabi kwakusinikizigwa, pe, akube camoyo omwe, Kutabi kwakuunya kulubono lwaansi, pele kwamoyo uutuba. 3#2 Kor 1:24; Tit 2:7; Flp 3:17; 1 Tes 1:7Mutabaciti kamikami abeembelwa ndinywe, pele amubabede citondezyo cakutobela, 4#1 Pet 2:25; Heb 13:20; 1 Kor 9:25; 2 Tim 4:8eno aakuyubununwa Mweembezi Simutwe, mukajane musini uutanunsauki wabulemu.
5 #
Tus 3:34; Ef 5:21; Mt 23:12; Joh 13:4,14; Jak 4:6 Mbubonya obo anywebo nobanike, amukalibombye kubapati banu, Alimwi nyoonse amusame myoyo mitete akugwasyanya, nkaambo
Leza ulabakazya basikulisumpula,
Pele batete-myoyo ulabapa luzyalo.
6 #
Mt 23:12; Lk 14:11; 18:14; Job 22:29; Jak 4:10 Amulibombye kujanza lya-Leza lyanguzu, kuti akamusumpule kuciindi ceelede. 7#Int 55:22; Mt 6:25; Flp 4:6Makataazyo aanu oonse amwaasowele kumaanza aakwe, nkaambo nguumucebuka lyoonse.
Baleelede kulangila akukazya Saatani
8 #
1 Tes 5:6; Lk 18:3; Jak 4:7 Amulibatamike akucenjela, nkaambo sinkondonyoko Saatani uleendeenda mbuli syuumbwa wabutambo akuya buyandaula ngwati lume. 9#Ef 6:11-13Amulwane anguwe, mube bayumu mulusyomo, nkaambo mulizi kuti mapenzi aya ngaonya alasikila kubunyina bwanu bwakumasi oonse. 10#1 Pet 1:6; 1 Tes 2:12Eno mwamana kupenga kaindi, Leza siluzyalo loonse, uwakamwiita mubulemu bwakwe butamani buli muli-Jesu Kristo, ulamupa inguzu akumuzyatika akumubombomeka. 11Akube bwami kulinguwe lyoonse alyoonse kukabe kutamani. Ameni.
Injuzyo zyakumamanino
12 #
Inc 15:22,40; Heb 13:22 Aya majwi mace ngindalemba ndaatuma kujanza lya-Silvano, ngwenjeeya kuti ngumukwanu musyomesi, kuti nkamugwasye akulungulula mbulubede luzyalo lwinilwini lwa-Leza. Amwiime nji muluzyalo olo. 13#Inc 12:12,25; 13:13; 15:37-39; Kol 4:10; Flm 1:24; 2 Tim 4:11Balamujuzya basimbunganonyoko bamu-Babuloni, mbimwakasalwa obo. Alakwe mwanaangu Marko ulamujuzya. 14#1 Kor 16:20Amujuzyanye alumyontano lwaluyando.
Luumuno alube kulindinywe nyoonse nomuli muli-Kristo.
Currently Selected:
1 Petro 5: Ibbaib63
Highlight
Share
Copy
Want to have your highlights saved across all your devices? Sign up or sign in
The Bible in Tonga (Zambia) © United Bible Societies, 1963.