1 Timoteo 3
3
Mbubeelede kulibamba babishopo abadaikona
1 #
Inc 20:28
Ijwi linilini ndeeli lyakuti, Na muntu uyanda mulimo wabubishopo, ulayanda mulimo mubotu. 2#Tit 1:6-9Lino bishopo uleelede kuba muntu uuta kwe kampenda, uugaminina mwanakazi omwe luzutu. Uleelede kuba muntu uusitikide, uulibatamika, uutakwe kancimwa, uuyobolola beenzu, akuba amaanu aakufundisya kabotu. 3Teelede kuba mukolwi akukazyanya akuuma, pe, uleelede kuba mutontozi, alimwi atabi mundwane, nanka simuyandamali. 4#1 Sam 2:12Abe muntu uubeenzya kabotu boonse bamuŋanda yakwe, uuiisya bana bakwe mbokulibambwa mukukala kabotu, 5(nkaambo na muntu tajisi maanu aakubamba kabotu iŋanda yakwe mwini, ino inga ulakonzya buti kubamba makani aambungano ya-Leza?) 6oyo muntu teelede kuba simbungano mupya, nkaambo awalo mwaya bulisumpwida mbokungo awalo uyoowida muzibi mbuli Saatani. 7#1 Tim 5:10; 2 Kor 8:21; 1 Kor 5:12,13Alimwi uleelede kuba muntu uuli ampuwo imbotu kulibaabo bali anze, kuti abule abutongo mbobamwaamba, alimwi kuti atacegwi mukooze ka-Saatani,
8 #
Flp 1:1; Inc 6:3 Abalo badaikona baleelede kuloma, batabi basindimizyobile, batabi basikukolwa waini nokuba kuunya kulubono lwaansi ano, 9pele kabajatisya makani aasisidwe aaluzumino camoyo uusalala ngwa, 10Eno aba abasaangune kulangililwa mbobacita, elyo banjile mumulimo wabudaikona na takukwe butongo kulimbabo. 11#Tit 2:3Abalo bakaintu abalome, batanoonga kabatamizya bamwi twaambo, kabagamine kulibatamika akusyomeka muzintu zyoonse, 12Badaikona kabagamine kukwata mukaintu omwe luzutu, kababalela kabotu bana babo akubamba maanda aabo kabotu kabotu. 13Nkaambo abo abakamana mulimo wabudaikona kabotu balalijanina bwaalu bubotu, elyo kulabula ancobayoowa mukusyoma kwabo kuli muli-Kristo Jesu.
14Ndakulembela makani aya, alo nekuboobo ndilasyoma kuzookuswaya taakoovula amazuba. 15#2 Tim 2:20; Ef 2:19-22Na ndilamuka kuboola, ngoonya aya makani alakutondezya mbobeelede kukala bantu muŋanda ya-Leza, eyo iŋanda njembungano ya-Leza muumi, ngomusemu, alimwi ncecisiko calusinizyo. 16#Joh 1:14; 16:10; Rom 1:4; Mk 16:19Ncobeni takukwe uukonzya kukazya kuti makani aasisidwe aabukombi mapati loko.
Oyo uwakabonwa mumubili wabuntu,
Uwakalondomezegwa mumuuya,
Uwakabonwa kubaangelo,
Uli amakani mabotu aakakambaukwa kumasi oonse,
Uwakazuminwa ansi ano,
Uwakatanta kujulu mubulemu.
Currently Selected:
1 Timoteo 3: Ibbaib63
Highlight
Share
Copy
Want to have your highlights saved across all your devices? Sign up or sign in
The Bible in Tonga (Zambia) © United Bible Societies, 1963.