YouVersion Logo
Search Icon

1 Timoteo 2

2
Banakristo baleelede kukombela bantu boonse
1 # Flp 4:6 Kukusaanguna ndiyandisya kuti kucitilwe bantu boonse zikombyo ankumbilizyo ankombelezyo akulumba, 2Amukombele bami abaabo boonse bali mubwami, kuti buumi bwesu bube bwaluumuno akutontola, tukale kabotu akulemeka Leza, 3#1 Tim 1:1; 4:10Eci ncibotu akutambulika kuli-Leza Mufutuli wesu, 4#Ezk 18:23; 2 Pet 3:9uuyandisya kuti bantu boonse bafutulwe akuboola kuluzibo lwakuziba lusinizyo. 5#Rom 3:29,30; Heb 12:24Nkaambo kuliide Leza omwe luzutu, alimwi kuli sikuyanzanya omwe uuli akati ka-Leza abantu, ngumuntu Kristo Jesu, 6#Gal 1:4; 2:20; Tit 2:14uwakalisanga mwini kuti anunune bantu boonse, Eci ncecintu cilyaamba cini muciindi caco. 7#2 Tim 1:11; Gal 2:7,8Kumakani aya ngendakabikilwa bukambausi abuapositolo (ncobeni ndasinizya, nsibeji pe) akuba mwiiyi wabamasi mubuzumino bwini.
Banakazi mbubeelede kasama akulibombya
8Eno obo ndayanda kuti baalumi kabanga kabakomba koonse koonse, kabagamine kunyamuna maboko aasalala, kakutakwe bukali akuzwangana. 9#1 Pet 3:3-5Mbubonya obo abalo bakaintu kabanga kabasama cakulibombya mbubonya mbokweelede, babe aciwa cibotu. Lusakatilo ndobalisakatizya talweelede kuba lwakupesa masusu akusama ingolida neziba ingale naaba malogwe aaulwa mali manjimanji, 10#1 Tim 5:10luleelede kuba lwakusama milimo mibotu, mbubonya mbobeelede bakaintu bana-Leza, 11#Ef 5:22Mukaintu kanga kafunda cakulibatamika akuba kunsi kumulao. 12#1 Kor 14:34; Matl 3:16Nsikonzyi kuzuminina mukaintu kwiisya nokuba kumulangila amutwe mwaalumi, pele kanga kaumwine buyo wii. 13#Matl 1:27; 2:7,21-22; 1 Kor 11:8,9Nkaambo Adamu nguwakasaanguna kulengwa, munsi nkokuya kulengwa Eva. 14#Matl 3:1-6; 2 Kor 11:3Nkabela Adamu taakwe naakeenwa, pe, mukaintu nguwakeenwa, elyo aenwe boobo, wakaba mucitazibi. 15Nekuboobo kuti bakujatisya kusyoma kwabo akuyandana akusalala akulibamba, uyoofutulwa kuciindi ncayootumbuka bana.

Currently Selected:

1 Timoteo 2: Ibbaib63

Highlight

Share

Copy

None

Want to have your highlights saved across all your devices? Sign up or sign in

YouVersion uses cookies to personalize your experience. By using our website, you accept our use of cookies as described in our Privacy Policy