1 Timoteo 4
4
Kuciindi camamanino kuyooba baiyi babeji
1 #
2 Tim 3:1; 2 Pet 3:3; Jud 1:18; 1 Joh 2:18 Eno Muuya waamba ncobeni kuti kuciindi ciciza bamwi bayookuzwa kulusyomo, bakagame kumvwa myuuya yakwe ena amafundisyo aabadaimona, 2nkaambo kakuupaupa ameso kwabantu baamba twakubeja, bali amyoyo iyakalembwa mbuli mbwiilemba insimbi ipya, 3#Matl 9:3; 1 Kor 10:30,31bakasya bantunyina kukwatana, akulesya kulya zilyo, nzyaakaanza Leza kuti kazinga kaziligwa buyo cakulumba kulibaabo basyoma akuziba bwini. 4#Matl 1:31; Inc 10:15Nkaambo zyoonse nzyaakaanza Leza nzibotu, takukwe ceelede kukakwa, anooli catambulwa akulumba, 5nkaambo inga casalazigwa kujwi lya-Leza akukukomba,
Timoteo uleelede kusungwaala kujatisya makani menimeni aa-Kristo
6Kuti wabayeezya banabunyina makani aya, noti be simulimo mubotu wa-Kristo Jesu, uulelwa mumajwi aabuzumino aalwiisyo lubotu olo ndocilide mane kusikila sunu. 7#1 Tim 1:4; 6:20; 2 Tim 2:16,23; Tit 1:14; 3:9Konga kokaka makani aatali mabotu, aali mbuli bufubafuba bwamacembele. Kogamine kunyanyaala kukukomba, 8#1 Tim 6:6nkaambo kunyanyaala kwamubili kulagwasya buniini, anu kwala kukomba kulagwasya muziyanza zyoonse, nkaambo kulijisi cisyomezyo casunu acaciindi ciciza. 9#1 Tim 1:15Ijwi linilini litambulika loko ndeeli lyakuti, 10#1 Tim 2:3,4Eno ncencico eci ncotoondela mulimo akulwanina, nkaambo myoyo yesu ilalangila Leza Muumi, Mufutuli wabantu boonse, kwiindilila ngwabaabo bazumina.
11Kolailila akufundisya makani aya. 12#Tit 2:15Kutabi uubaula bwanike bwako, pele ube ciilizyo cabaabo bazumina, mukwaamba amukweenda amukuyandana amukusyoma amukusalala. 13Sungwaala kukubala akukukambauka akukufundisya, mane ndisike. 14#1 Tim 5:22; 2 Tim 1:6; Inc 6:6; 8:17Utaleki kubelesya eco caabilo caluzyalo cikukalide mukati, ncowakapegwa kumajwi aabasinsimi, nowakabikwa maanza kubaalu bambungano. 15Sungwaala kuzintu ezi, ulitakate kulinzizyo amoyo wako woonse, kuti bantu boonse babone mboya bukomena mumilimo yako. 16#Rom 11:14Alimwi kolibonena omwini akufundisya kwako, Koujisi azintu ezi, utaleki pe, nkaambo wanoocita bobuya, inga ulalifutula omwini, abalo bakumvwa ulabafutula.
Currently Selected:
1 Timoteo 4: Ibbaib63
Highlight
Share
Copy
Want to have your highlights saved across all your devices? Sign up or sign in
The Bible in Tonga (Zambia) © United Bible Societies, 1963.