1 Johane 2
2
Jesu ngomulungo wazibi zyesu. Abo babamba milazyo yakwe mbobamuzi
1 #
Rom 8:34; Heb 7:25; Joh 14:16 Nobana bangu, ndamulembela aya makani kuti mutabisyi. Na muntu ulabisya, tulijisi sikutwaambilila kuli-Taata, ngu-Jesu Kristo mululami. 2#Kol 1:20; Joh 11:51Walo ngomulungo wazibi zyesu, alimwi teensi kulindiswe akulike, pele kuzibi zyanyika yoonse. 3Mbuboobo mbutuzi kuti tulimuzi, na kuti twabamba milazyo yakwe, 4#1 Joh 1:8Oyo uuamba kuti ndimuzi, anukuti tabambi milazyo yakwe, mubeji, lusinizyo taluli mulinguwe. 5#Joh 14:21,23; 1 Joh 5:3Pele oyo uubamba ijwi lyakwe, ncobeni luyando lwa-Leza lulilondokede mulinguwe. Mbuboobu mbutuzi kuti tuli mulinguwe. 6#Joh 13:15Oyo uuamba kuti ndi mulinguwe, uleelede kweenda mwini mbubonya mbuli mbwaakeenda walo.
Makani aamulao wakuyandana
7 #
Joh 13:34; Mt 5:17 Nobayandwa bangu, teensi mulazyo mupya ngundamulembela, pe, ngumulazyo mukulukulu ngumwakamvwa kuzwa kumatalikilo. Oyu mulazyo mukulukulu ndijwi ndimwakamvwa kumatalikilo. 8#Rom 13:12; Joh 13:34; 15:10,12Alimwi ndamulembela mulazyo mupya, ncecintu calusinizyo mulinguwe amulindinywe, nkaambo mudima wainda, nkabela mumuni mwinimwini ulamwekamweka. 9#1 Joh 4:20Oyu uuamba kuti, Ndi mumumuni, nekubaboobo ulasula mweenzinyina, ucili mumudima ambuli sunu. 10#Rom 14:13,15; Joh 11:9Oyo uuyandisisya mweenzinyina ulakalilila mumumuni, taakwe cilebyo mulinguwe. 11#Joh 11:10; 12:35Pele oyo uusula mweenzinyina uli mumudima, uleenda mumudima, alimwi tezi nkwaya, nkaambo mudima woofwaazya meso aakwe.
12 #
1 Kor 6:11
Ndamulembela, nobana bangu, nkaambo mwalekelelwa zibi zyanu nkaambo kezina lyakwe. 13#1 Joh 1:1Ndalemba kulindinywe nomatata, nkaambo mulimuzi uuzwa kumatalikilo. Ndalemba kulindinywe, nobakubusi, nkaambo mwakamuzunda mubi. Ndamulembela, nobana bangu, nkaambo mwakamuziba Taata. 14#Ef 6:10Ndakamulembela nomatata, nkaambo mulimuzi uuzwa kumatalikilo, Ndakalemba kulindinywe, nobakubusi, nkaambo muli bayumu, ijwi lya-Leza lilimukalilide mukati, alimwi mwakazunda mubi. 15#Jak 4:4Mutayandi nyika, nezibazintu zyamunyika, Kuti muntu wayanda nyika, luyando lwa-Taata taluli mulinguwe. 16#Tus 27:20; Jak 4:16; Tit 2:12Nkaambo zintu zyoonse zili munyika, niziba zisusi zyanyama niziba zisusi zyameso nikuba kulisumpula kwabuumi, tazili zya-Taata, pe, nzyenyika. 17#Mt 7:21; 1 Pet 4:2Alimwi nyika ilamana, azisusi zyayo, pele oyo uucita makanze aa-Taata ulakalilila kukabe kutamani.
Makani aa-Sikulwanya-Kristo
18 #
Mt 24:5,24; 1 Pet 4:7; 1 Kor 10:11 Nobana bangu, nceciindi cakumamanino. Mulimvwide kale kuti ulasika Sikulwanya-Kristo, nkabela kuciindi ecino nkubali basikulwanya-Kristo banjibanji. Mbubonya obo mbutuzi kuti nceciindi cakumamanino. 19#Inc 20:30; 1 Kor 11:19Bakazwa kulindiswe, pele teebakali besu. Nibakali besu, nibakakalilila aswe, pele bakazwa kulindiswe kuti, kuyubununwe kuti boonse teebakali besu. 20#1 Kor 2:15Lino nywebo mwakananikwa a-Uusalala, alimwi mulizi zintu zyoonse. 21Teensi nkaambo kakuti tamuzi lusinizyo nkindamulemba, pe, nkaambo muliluzi, alimwi mulizi kuti taakwe kubeja kulusinizyo. 22Ngwani mubeji cita oyu uutazumini kuti Jesu ngu-Kristo? Ngooyo SikulwanyaKristo, oyo uutama Taata a-Mwanaakwe. 23#1 Joh 4:15; Joh 5:23; 15:23Oyu uutama Mwana, nguwenya uutajisi Taata, pele oyo uuzuminina Mwana nguwenya uujisi Taata alakwe. 24Nkaambo kaako amucileke cimukalilile, eco ncimwakamvwa kumatalikilo. Kuti eco ncimwakamvwa: kumatalikilo camukalilila, elyo muyoojatisisya mu-Mwana amuli-Taata. 25Eci ncecisyomezyo ncaakatusyomezya, buumi butamani. 26Ndamulembela makani aya nkaambo kabaabo bamweena. 27#Joh 14:26; 16:13; Jer 31:34Pele nywebo, kunanikwa nkumwakatambula kulinguwe, kulamukalilila, alimwi tamuyandi umwi muntu kuti amwiisye, nkaambo oku kunanikwa nkukonya kulamwiisya zintu zyoonse, nkabela nkwalusinizyo, taakwe kubeja mulinkuko. Lino mbubonya mbuli mbumwakaiisigwa, amukalilile mulinguwe. 28#1 Joh 3:2; 4:17Lino nobana bangu, amukalilile mulinguwe, kuti aakulibonya, tukabe akaanzambwene, tatukausi bweeme kumeso aakwe kukuboola kwakwe. 29#1 Joh 3:7,10Kuti kamuzi kuti walo uliluleme, elyo mulizi kuti umwi aumwi uucita bululami ulizyedwe kulinguwe.
Currently Selected:
1 Johane 2: Ibbaib63
Highlight
Share
Copy
Want to have your highlights saved across all your devices? Sign up or sign in
The Bible in Tonga (Zambia) © United Bible Societies, 1963.