1 Johane 3
3
Bana ba-Leza abana ba-Saatani mbubapambukene
1 #
Joh 1:12,13; 16:3; 1 Joh 5:20 Amubone mbulubede olo luyando lupati ndwaakatupa Taata lwakuti tubandwe kuti mbana ba-Leza, nkabela mbubonya obo mbutubede ncobeni. Nkaambo kaako nyika tiituzi, nkaambo alakwe teeyakamuzi. 2#1 Joh 2:28; Rom 8:17; 2 Kor 3:18; Flp 3:21; Kol 3:4; Kul 34:29Nobayandwa, lino tuli bana ba-Leza, alimwi takuna kuyubununwa mbutuzooba, pele tulizi kuti nazoolibonya tuzooba mbuli nguwe, nkaambo tuzoomubona mbuli mbwabede. 3Nkabela muntu woonse uujisi lusyomo olu mumoyo wakwe ulalisalazya mbubonya mbuli mbwasalala alakwe. 4#Mt 7:23Umwi aumwi uucita zibi ulasotoka mulao, nkaambo zibi nkokusotoka mulao. 5#Joh 1:29; Is 53:4; 1 Pet 2:24Mulizi kuti walo wakayubununwa kuti amanizye zibi zyesu, nkabela mulinguwe tamukwe zibi. 6#Rom 6:14Umwi aumwi uukalilila mulinguwe tabisyi. Umwi aumwi uubisya tana kumubona nikuba kumuziba. 7#1 Joh 2:29Nobana bangu, kutabi muntu uumweena. Oyo uucita bululami mululami, mbuli mbwali mululami alakwe. 8#Joh 8:44Oyo uucita zibi nguwa-Saatani, nkaambo Saatani wakabisya kuzwa kumatalikilo. Nkabela kaambo nkaakayubunwidwa Mwana a-Leza nkaaka, kuti ajaye milimo ya-Saatani. 9#1 Joh 5:18Umwi aumwi uuzyedwe kuli-Leza taciti zibi, nkaambo imbuto yakwe icikukalilide mukati, aboobo takonzyi kubisya, nkaambo wakazyalwa kuli-Leza. 10Lino bana ba-Leza abana ba-Saatani balazibwa boobu. Umwi aumwi uutaciti bululami tali wa-Leza, naba oyo uutayanda mweenzinyina. 11#Joh 13:34; 15:12Aya ngimakani ngimwakamvwa kuzwa kumatalikilo, kuti tuleelede kuyandana. 12#Matl 4:8Tutabi mbuli Kaini, iwakali wa-Mubi, wakajaya munyina. Ino wakamujayilanzi? Nkaambo kakuti milimo yakwe mwini yakali mibi, anukuti yamunyina yakali mibotu.
Luyandano ncecitondezyo cabuumi bwa-Kristo
13 #
Mt 5:11; Joh 15:18,19 Mutagambi, nobakwesu, kuti nyika yamusulaika. 14#Joh 5:24; 1 Joh 2:11Tulizi kuti twakainda kuzwa kulufu akunjila mubuumi, nkaambo tulayanda beenzuma. Umwi aumwi uutayandi mweenzinyina ulakalilila mulufu. 15#Mt 5:21,22; Joh 8:44Kufumbwa muntu uusula mweenzinyina, mujayi, alimwi mulizi kuti taakwe mujayi uujisi buumi butamani mulinguwe. 16#Joh 13:1; 15:13; Gal 2:20Lino luyando lwa-Leza tulalubona boobu, nkaambo wakatutulila buumi bwakwe, nkabela aswebo tuleelede kutula buumi bwesu nkaambo kabeenzuma. 17#1 Joh 4:20; Dt 15:7Pele oyo uujisi imbono zyaansi ano, nekubaboobo naabona mweenzinyina uubulide ulamujalila luzyalo lwakwe, ino luyando lwa-Leza lulakala buti mulinguwe? 18#Jak 1:22; 2:15,16Nobana bangu, luyando lwesu lutabi lwamajwi buyo niluba lwalulumi, lube lwamulimo alwalusinizyo. 19Mbuboobu mbutuzi kuti tuli basilusinizyo, alimwi tuzoorontozya myoyo yesu kunembo lyakwe, 20kufumbwa kumakani ngiitupa mulandu myoyo yesu. Nkaambo Leza mupati kwiinda myoyo yesu, alimwi ulizi zintu zyoonse. 21#Rom 5:1; Heb 4:16Nobayandwa, kuti myoyo yesu tiitupi mulandu, elyo tulijisi kaanzambwene kunembo lya-Leza. 22#Mk 11:24Coonse ncitukumbila kulinguwe tulacitambula, nkaambo tulabamba milazyo yakwe akucita ezyo zintu zibotezya kumeso aakwe. 23#Joh 6:29; 13:34; 15:12,17Nkabela mulazyo wakwe ngooyu, wakuti tuzumine kuzina lya-Mwana wakwe, Jesu Kristo, akuyandana mbubonya mbuli mbwaakatulailila. 24#1 Joh 4:13; Rom 8:9Oyo uubamba milazyo yakwe ulakalilila mulinguwe, alakwe mulinguwe. Alimwi mbuboobu mbutuzi kuti ulakalilila mulindiswe, nkaambo ka-Muuya ngwaakatupa.
Currently Selected:
1 Johane 3: Ibbaib63
Highlight
Share
Copy
Want to have your highlights saved across all your devices? Sign up or sign in
The Bible in Tonga (Zambia) © United Bible Societies, 1963.