1 Ba-Korinto 3
3
Mipampo mipampo ilatondezya kuti myoyo tiili kabotu
1 #
Joh 16:12
Nkabela mebo, bakwesu, teendakakonzya kumwaambila mbuli mbubaambilwa basimuuya, pe, ndakamwaambila mbuli basinyama, mbuli bapamba bamuli-Kristo. 2#Heb 5:12-13; 1 Pet 2:2Cintu ncindakamusanizya mukupa, teensi cilye pe, nkaambo teemwakacikonzya, nkabela asunu tamucikonzyi, 3#1 Kor 1:10-12; 11:18ikuti mucili basinyama. Mbuli mbumujisi ibbivwe abulwani akati kanu, sa tamucili basinyama na? Sa tamuceendi mbuli bantu buyo na? 4#1 Kor 1:12Nkaambo umwi ulaamba kuti, Mebo ndiwa-Paulo, Aumwi ulati, Mebo ndiwa-Apolo. Lino sa tamucili basinyama na?
Baiyi baansi mbalanda buyo mumaanza aa-Leza
5 #
Inc 18:24,27 Ino Apolo munyamanzi? Alakwe Paulo munyamanzi? Bali balanda buyo mbaakabelesya Mwami kukumusyoinya, umwi aumwi mbuli mulimo ngwaakapegwa. 6#Inc 18:4-11,24-28Mebo ndakazikila, Apolo nguwakatililila, pele Leza nguwakamenya, 7Mbubo, sikuzikila taakwe makani, alakwe sikutililila taakwe makani, pele Leza uumenya nguujisi makani. 8Oyo uuzikila ayooyo uutililila, boonse baleelene, nekubaboobo balavola umwi aumwi bulumbu bwakwe mwini mbuli mulimo wakwe ngwaakamana.
Bana-Kristo niŋanda ya-Leza, Jesu nintalisyo yayo
9 #
Mt 13:3-9; Ef 2:20 Nkaambo tuli basimilimonyina Leza. Ndinywe muunda wa-Leza uulimwa, alimwi muli iŋanda ya-Leza iiyakwa. 10#1 Kor 15:10; 2 Pet 3:15Kuluzyalo lwa-Leza ndundakapegwa, mbuli muyaki musongo ndakabamba intalisyo yaŋanda, lino uuyaka alinjiyo ngumbi. Pele umwi aumwi acenjele mbwayaka. 11#1 Pet 2:4-6Nkaambo taakwe muntu uukonzya kubamba intalisyo imbi pele njiyonya iibambidwe kale, nguwenya Jesu Kristo. 12Lino alinjiyo muntu ulakonzya kuyasya ingolida niiba insiliva naaba mabwe mayandisi naaba masamu nibuba bwizu naaba matete, 13#1 Kor 4:5; 2 Tes 1:8pele milimo yaumwi aumwi iyoobonwa mbwiibede. Buzuba bwalubeta mbobuyooitondezya mbwiibede, nkaambo obo buzuba buyooca amulilo, nkabela mulilo uyoosunka milimo yaumwi aumwi mbwiibede, 14Muntu umwi aumwi uuyokokelwa milimo yakwe njayaka alinjiyo uyootambula bulumbu. 15Pele muntu umwi aumwi uutentelwa milimo yakwe uyoosweekelwa bulumbu bwakwe, nekubaboobo walo mwini uyoofutulwa cakukwempwa kumulilo.
Muntu teelede kubisizya iŋanda ya-Leza
16 #
1 Kor 6:19; 2 Kor 6:16 Sa tamuzi kuti ndinywe iŋanda yantempele ya-Leza, alimwi Muuya wa-Leza ulamukalila mukati? 17Lino akuli muntu uunyonyoona intempele ya-Leza, oyo muntu Leza ulamunyonyoona alakwe, nkaambo intempele yaLeza ilasalala, ndilyonya ndendinywe.
Busongo bwaansi buyo tabugwasyi
18 #
Ciy 3:17,18 Kutabi muntu uulyeena aangao. Akuli muntu akati kanu uuliyunga kuti, Ndi musongo kubusongo bwaansi ano, elyo oyo muntu abe mufubafuba, kuti abe musongo ncobeni. 19#Job 5:12,13Nkaambo busongo bwaansi ano mbufubafuba buyo kumeso aa-Leza. Kulilembedwe kuti, Nguujata basongo mubuyungi bwabo. 20#Int 94:11Alimwi kulilembedwe kuti, Jehova ulizi iŋomboombo zyabasongo kuti nzyabuyo.
21Nkaambo kaako kutabi muntu uulikankaizizya bantu baansi. Nkaambo zintu zyoonse nzizyanu, 22naba Paulo, naba Apolo, naba Kefa, niiba nyika, nibuba buumi, niluba lufu, niciba ciindi casunu niciba ciindi cicizazyoonse buyo nzizyanu, 23nkabela inywe muli ba-Kristo, alakwe Kristo nguwa-Leza.
Currently Selected:
1 Ba-Korinto 3: Ibbaib63
Highlight
Share
Copy
Want to have your highlights saved across all your devices? Sign up or sign in
The Bible in Tonga (Zambia) © United Bible Societies, 1963.