1 Ba-Korinto 2
2
Paulo mbwaakakambauka ku-Korinto makani aaciingano luzutu
1 #
1 Kor 1:17
Nkabela ambebo, nubakwesu, kuciindi eco ncindakasika kulindinywe, teensi cabwaambe bwiinda na cabusongo bwiinda ncindakasika kuzoo mukambaukila makani aa-Leza, pe. 2#Gal 6:14Nkaambo ndakakanza kutaziba cintu niciba comwe akati kanu pele Jesu Kristo luzutu, nkukuti Jesu Kristo iwakabambulwa aciingano. 3#Inc 18:9; 2 Kor 10:1Ndakeza kulindinywe cakukompama acakuyoowa acakuzyangama loko. 4Nkabela makani aangu ngendakakambauka kaatali amajwi aabusongo akusakamika matwi pe, pele alwiimiko lwa-Muuya alwanguzu, 5#Ef 1:17; 1 Tes 1:5kuti lusyomo lwanu kalutabi mubusongo bwabantu anukuti munguzu zya-Leza.
Busongo bwinibwini bwa-Leza mbububede
6 #
Flp 3:15
Nekubaboobo nkubuli busongo bumwi mbutwaamba akati kabalondokede, pele teensi busongo bwaciindi ecino pe, nibuba bwabeendelezi baciindi ecino balaloba. 7#Rom 16:25Busongo mbutwaamba mbusongo busisidwe bwa-Leza, nkukuti obo busongo buvumbidwe mbwaakakanza Leza kalekale kuti butubede bulemu. 8#Lk 23:34; Jak 2:1; Kol 1:26Bwalo taakwe naaba omwe akati kabeendelezi baciindi ecino iwakabuzi, nkaambo nibakali kubuzi nibatakamubambula aciingano Mwami wabulemu. 9#Is 64:4Pele mbuli mbukulembedwe kuti,
Ayo ngaatabwene meso,
Ayaayo ngatamvwide matwi,
Ayaayo aatana kunjila mumoyo wamuntu,
Ngaonya Leza ngaabambilide abo bamuyanda.
10 #
Mt 13:11; Tus 20:27 Pele kulindiswe Leza waayubunuzya Muuya wakwe, nkaambo Muuya ulagulunganya makani oonse, naaba makani malamfu aabulondo bwa-Leza. 11Nkaambo taakwe muntu naba omwe uuzi miyeeyo yamuntu pele muuya wamuntu uuli mucamba cakwe, nkabela mbubonya obo taakwe uuzi miyeeyo ya-Leza pele Muuya wa-Leza, 12#Joh 16:13,14Pele iswe, muuya ngututambwide teensi muuya waansi ano pe, ngu-Muuya uuzwa kuli-Leza, kuti tumvwisye zintu nzitwapegwa caluzyalo lwa-Leza, 13#1 Kor 1:4Nzizyonya nzitwaamba, nkabela tatuzyaambi amajwi aaiyide aabusongo bwamuntu, pe, tuliyide a-Muuya Uusalala, alimwi makani aa-Muuya tulaapandulula ca-Muuya, 14#Joh 8:47; 14:17Pele muntunsi tatambuli makani aa-Muuya wa-Leza, pe, nkaambo kumeso aakwe mbufubafuba buyo. Takonzyi kwaaziba pe, nkaambo ncamuuya ncaatwelukwa. 15#1 Joh 2:20Anukuti muntu simuuya ulatweluka makani oonse, pele walo mwini tatwelukwi kumuntu naba umwi. 16#Is 40:13; Rom 11:34Nkaambo nguni uubwene miyeeyo ya-Jehova, abe mutoloki wakwe? Pele swebo tulijisi miyeeyo ya-Kristo.
Currently Selected:
1 Ba-Korinto 2: Ibbaib63
Highlight
Share
Copy
Want to have your highlights saved across all your devices? Sign up or sign in
The Bible in Tonga (Zambia) © United Bible Societies, 1963.