1 Ba-Korinto 4
4
Baapostelo mbabanzi buyo ba-Leza
1 #
Tit 1:7
Mbuboobu muntu mbweelede kutweelezya, kuti tuli balanda ba-Kristo, alimwi tuli babanzi bamakani aa-Leza aasisidwe. 2#Lk 12:42Lino kumakani aababanzi, cintu ciyandwa nceeci, kuti muntu asyomeke. 3Pele kulindime makani maniini buyo kulingulwa kulindinywe nikuba kulubeta lwabantu, Ncobeni nsililinguli ndemwini. 4#Int 143:2Nkaambo nsiliboni kaambo, nekubaboobo teensi boobo mbundulamikidwe pe. Mwami nguundilingula. 5#1 Kor 3:8Nkaambo kaako, mutabeteki cintu niciba cimwi, ciindi nicitana kusika, mane do asike Mwami. Walo uleza kuzoomunika zintu zisisidwe zyamumudima akuyubununa makanze aamyoyo, elyo umwi aumwi uzoojana lutembaulo kuliLeza.
Kamikami kaba-Korinto
6 #
Rom 12:3
Lino aya makani, nubakwesu, ndaabikila kulindiswe, mebo a-Apolo, kukugwasya ndinywe kuti mukaiye kulindiswe ijwi lyakuti, Mutaindi ayo makani aalembedwe, alimwi kuti mutalisumpwidi umwi kwiinda mweenzinyina. 7#Rom 12:6Nkaambo nguni uukunomona? Alimwi sa kuli cintu ncojisi ncotapedwe? Nkabela kuti wakapegwa, lino nkaambonzi ulalisumpula mbuli citali kupegwa buyo? 8#Ciy 3:17,21Ma! mwakuta kale sa? mwaba bavubi kale sa? mwajana bwami nubeni katutako swebo sa? nimwajana bwami ncobeni, aswebo nitwaba baaminyokwe. 9#Rom 8:36; Heb 10:33Nkaambo ndayeeya kuti Leza ulitubikide basyaalizi, swebo tubaapostolo, mbuli abo bati fwe. Twaba ceebelo kumeso aabalengwi boonse, nibaba baangelo nibaba bantu. 10#1 Kor 3:18Swebo tuli bafubafuba nkaambo ka-Kristo, anukuti nywebo muli basongo muli-Kristo, Swebo tuli bakompami, nywebo muli basinguzu. Nywebo muli abulemu, swebo tuli basampausi, 11#2 Kor 11:23-27Nikuba kusikila kuciindi ecino tulafwa nzala, tulafwa nyota, tulapenga zyakusama, tuladinkaulwa, tuli basimutuntuli buyo, 12#Inc 18:3; 20:34; 1 Tes 2:9; 2 Tes 3:8; Rom 12:14; 1 Kor 9:15; Int 109:28alimwi tulacita milimo miyumu amaanza esu tubeni, Ciindi ncitwaambilwa cisapi tulalumba, aciindi ncitupenzegwa tulaumuna buyo, 13#Dt 17:7; 22:24nkabela ciindi ncitutukilwa tulakombelezya. Lyoonse buyo twacitwa mbuli bukololo bwanyika yoonse ambuli itombe lyazintu zyoonse.
Paulo ulakombelezya ba-Korinto kuti beempwe kumakani aya
14Teensi kumuusya bweeme nkundembela makani aya pe, pele ndamulaya buyo mbuli bana bangu bayandika. 15#Gal 4:19Nimwaakuli abasimalelo bali zyuulu zyuulu muli-Kristo, bauso banu tabali banji pe, nkaambo ndime ndamuzyazya Makani Mabotu muli-Kristo Jesu. 16#1 Kor 11:1; Flp 3:17Nkaambo kako ndamukombelezya kuti mwiiye ndime. 17#Inc 19:22; Flp 2:20Nciconya eco ncindamutumina Timoteo, mwanaangu muyandisi musyomesi wamu-Mwami. Oyo uzoomwiibalusya ziimbo zyangu zyamuli-Kristo nzindaiisya koonse koonse kumbungano zyoonse, 18Bamwi balisumpula cakuyeeya kuti takoozoosika kulindiswe pe. 19#Inc 18:21; Jak 4:15Nekubaboobo nzoofwambaana kusika, kuti Mwami wayanda obo, elyo abo bantu balisumpwide, teensi kwaamba kwabo nkunti zibe pe, pele inguzu zyabo. 20#1 Kor 2:4; Lk 17:20Nkaambo Bwami bwa-Leza tabuli bwakwaamba buyo pe, mbwanguzu, 21Lino ncicili ncimuyanda? Sa nze kulindinywe amulusu na caluyando acakubombya moyo?
Currently Selected:
1 Ba-Korinto 4: Ibbaib63
Highlight
Share
Copy
Want to have your highlights saved across all your devices? Sign up or sign in
The Bible in Tonga (Zambia) © United Bible Societies, 1963.