Haˍbaˍkuˆ li‸ 1
1
1Chi ve lehˬ, tcuh kaˍ paˍ Haˍbaˍkuˆ hta‸ Gʼuiˬsha hpeu‸ maˍ piˇ taˍ ve tawˇ teˇ hpaˍ hpeh‸ ve yoˬ.
Haˍbaˍkuˆ hpeh‸ bawˬ leh hkʼanˇ ve
2Gʼuiˬsha-oˬ, ngaˬ ve bon lawˬ hkawˇ hta‸ maˇ na yuˬ leh, ngaˬ hui hta‸ hkʼaˬ maw maw tu‸ hkanˍ tcuh laˇ tuˬ sheˍ ve le. 3Aˬ hto‸ ma pa taw, nawˬ ngaˬ hta‸ tu‸ hkanˍ dawˇ haˍ ve awˬ ceuˬ chi teˇ hpaˍ hta‸ mawˬ tcuh laˇ ve le. Luˬ ve sheˆ ve teˇ ceuˬ ngaˬ hui hta‸ hkʼa caw zuhˇ cawˬ chehˇ taˍ ve yoˬ. Teˇ kaˬ le le lo ya‸ da‸ jiˆ da‸ ve leh maˇ cawˇ maˇ hawˍ da‸ ve hkʼa biˇ cawˬ chehˇ taˍ ve yoˬ. 4Awˬ liˇ uˉ paˍ teˍ teˇ hpaˍ te‸ chiˉ tcuhˉ kuiˬ maˇ cawˬ leh, chaw yaˇ teˇ hpaˍ lehˬ hteˇ ve cawˇ ve kanˉ hta‸ maˇ te. Hteˇ ve cawˇ ve teˇ ceuˬ mehˉ kʼai leh, haiˬ ve chaw teˇ hpaˍ lehˬ hteˇ ve cawˇ ve chaw teˇ hpaˍ a‸ kehˉ kanˇ paˆ cawˬ ve yoˬ.
Gʼuiˬsha kʼaw‸ yaw hkʼaw‸ piˇ ve
5Oˇ htaˇ, Gʼuiˬsha yawˇ ve chaw teˇ hpaˍ hta‸ kʼaw‸ yaw hkʼaw‸ piˇ leh kʼoˆ ve, Nawˬ hui awˬ paˇ awˬ kui lo chehˇ ve awˬ nu ve chaw ceuˬ teˇ hpaˍ hta‸ nyi-o. Nawˬ hui gʼa mawˬ ve awˬ ceuˬ hta‸ nawˬ hui anˇ jaˇ tuˬ yoˬ. Nawˬ hui kaˇ leh yonˍ maˇ hpeh‸ law‸ law‸ ve kanˉ hta‸ ngaˬ te tuˬ yoˬ. 6Kawˆ tuˬ uiˍ leh shu hta‸ maˇ ha kʼaˉ puiˉ ve Baˍbuˍlonˍ chaw hui hta‸ ngaˬ awˬ gʼaˇ kʼaw‸ uiˍ la piˇ tuˬ yoˬ. Yawˇ hui lehˬ awˬ nu ve mvuhˇmiˬ teˇ hpaˍ hta‸ bawˆ yuˬ tuˬ tawˆ la chehˇ taˍ ve yoˬ. 7Yawˇ hui lehˬ kawˆ tuˬ uiˍ jaˇ ve chaw teˇ hpaˍ hpeh‸ leh, yawˇ hui te gaˇ ve hkʼe te chehˇ ve yoˬ.
8Yawˇ hui ve iˉ mvuhˇ teˇ hpaˍ lehˬ laˇ a‸ kehˉ gʼuiˇ gehˬ jaˇ leh, meu‸ jehˇ kaˆ jehˇ chehˇ ve heh hpuiˇ teˇ hpaˍ a‸ kehˉ haiˬ jaˇ ve yoˬ. Yawˇ hui lehˬ iˉ mvuhˇ ciˇ leh vuiˇ jaˇ ve mvuhˇmiˬ hkʼaw tawˆ la chehˇ ve yoˬ. Yawˇ hui lehˬ aˉ ceˬ ngaˆ hta‸ gʼa‸ yuˬ chehˇ ve hkʼe gʼaˇ hte‸ gʼuiˇ laˬ chehˇ ve yoˬ.
9Yawˇ hui ve ma‸ moˍ lehˬ mvuhˇmiˬ teˇ hpaˍ hta‸ bawˆ yuˬ laˬ chehˇ leh, yawˇ hui laˬ chehˇ ve awˬ hkawˇ hta‸ gʼa kaˇ ve chaw hkʼa peu-eˬ kawˆ jaˇ chehˇ ve yoˬ. Yawˇ hui hpeh gʼa taˍ ve chaw teˇ hpaˍ lehˬ, shehˇ shiˍ hkʼa shuˍ maˇ jaˇ ve yoˬ. 10Yawˇ hui lehˬ jawˇmawˇ teˇ hpaˍ hta‸ maˇ shawˍ maˇ caˆ te piˇ leh, yawˇ hui ve ma‸ poˍ lonˉ teˇ hpaˍ hta‸ ga hpoˆ gʼuiˬ ve yoˬ. Ta‸ yehˬ hkʼaˬ ve teˇ maˬ maˇ kʼoˆ, yawˇ hui hta‸ tawˍ taˍ maˇ gʼa. Yawˇ hui lehˬ ta‸ yehˬ oˇ ve teˇ hpaˍ hta‸ je‸ yuˬ kawˍ taˆ-e leh bawˆ yuˬ ve yoˬ. 11Oˇ ve hkʼaw‸ nawˉ, yawˇ hui lehˬ mvuhˇ haw hkʼa shuˍ awˬ gʼuˇ suhˍ kʼaw‸ kʼai leh mehˉ kʼai ve yoˬ. Yawˇ hui ve gʼuiˬsha lehˬ yawˇ hui ve awˬ gʼaˇ awˬ shaˉ hpeh‸ ve yoˬ, teh‸ Gʼuiˬsha kʼoˆ ve yoˬ.
Haˍbaˍkuˆ Gʼuiˬsha hta‸ kʼaw‸ hkʼanˇ maˍ piˇ ve
12Gʼuiˬsha-o, awˬ hkuiˉ puiˍ htaˇ ka‸ nawˬ lehˬ Gʼuiˬsha hpeh‸ chehˇ taˍ ve yoˬ. Nawˬ lehˬ da‸ kehˬ jaˇ leh co co taiˍ taiˍ te‸ chehˇ ve ngaˬ ve Gʼuiˬsha hpeh‸ ve yoˬ. Ngaˬ hta‸ ha‸ shaˉ laˇ chehˇ ve ngaˬ ve Jawˇmawˇ Gʼuiˬsha-o‸, nawˬ lehˬ Baˍbuˍlonˍ chaw hui hta‸ leuˆ yuˬ leh ngaˬ hui hta‸ ciˍ yanˍ laˇ tuˬ, yawˇ hui hta‸ nawˬ awˬ gʼaˇ uiˍ la piˇ taˍ ve yoˬ. 13Hkʼaˬ hkʼe te leh haiˬ jaˇ cha‸ chiˆ jaˇ ve chaw teˇ hpaˍ hta‸ nawˬ nyi hpeh‸ ve le. Nawˬ ve mehˆ shiˍ lehˬ da‸ kehˬ jaˇ ve pa taw, haiˬ ve awˬ ceuˬ hta‸ nyi maˇ hpeh‸ ve yoˬ. Chaw yaˇ teˇ hpaˍ haiˬ ve kanˉ hta‸ te chehˇ ve hta‸ htawˇ, nawˬ nyi maˇ hpeh‸ ve yoˬ. Chaw oˇ ve teˇ hpaˍ lehˬ yawˇ hui a‸ kehˉ hteˇ ve cawˇ ve chaw hui hta‸ te luˬ te sheˆ piˇ chehˇ ve hta‸ aˬ hto‸ ma pa taw nawˬ ta‸ iˉ gawˬ lehˍ chehˇ taˍ ve le.
14Aˬ hto‸ ma pa taw, nawˬ lehˬ chaw yaˇ hta‸ ngaˇ leh pfuhˇ shehˍ ma ehˉ hkʼa shuˍ shawˍ taˍ ve le. 15Ngaˇ hta‸ biˉ yuˬ ve hkʼe, Baˍbuˍlonˍ chaw teˇ hpaˍ lehˬ chaw yaˇ teˇ hpaˍ hta‸ hpeh yuˬ chehˇ ve yoˬ. Yawˇ hui lehˬ chaw yaˇ teˇ hpaˍ hta‸ pehˍ hkʼaw keu gʼawˬ toˇ leh, ha lehˬ ha kʼa kuˬ toˇ chehˇ ve yoˬ. 16Yawˇ hui lehˬ pehˍ oˇ ve teˇ hpaˍ hta‸ oˉ kʼoˍ pui leh tuˉ tanˇ piˇ chehˇ ve yoˬ. Awˬ lawn kʼo, pehˍ oˇ ve teˇ hpaˍ lehˬ yawˇ hui heuˆ gaˇ ve awˬ ceuˬ hta‸ piˇ chehˇ ve pa taw yoˬ.
17Yawˇ hui lehˬ a shu yawˇ ve aˉhtaw hta‸ yehˇ leh, awˬ nu ve chaw ceuˬ teˇ hpaˍ hta‸ co co taiˍ taiˍ chi hkʼe ceh tiˉ te luˬ te sheˆ piˇ chehˇ tuˬ ve laˇ.
Currently Selected:
Haˍbaˍkuˆ li‸ 1: LHBE
Highlight
Share
Copy
Want to have your highlights saved across all your devices? Sign up or sign in
Lahu Bible Edited © Thailand Bible Society and Bible Society of Myanmar, 2010, 2020.