IBRANIŊKO 3
3
IBRANIŊKO 3
1Yɔ anbɔ, yɛ̧ɛ̧dɛ wɛ, Bɛt elin lɛlgbun an nɛ rek nɛ tuur ^ bɛtha hi wiya, seen Yeesu , Za̧a̧nyɔ wɛ book dɔglɔ a gi tɔmsya yɔ Bɛt yaazig hi Bɛtmaakwookya gbɔɔl mɔɔt yɔ wɛ gig ɗɔbsig giya. 2Yeesu woos za̧a̧nyɔ gbaag nɛ woos hi tɛŋko an Muusa woos yɔ woo nɛ sɛw a Bɛt raadu sɛw. 3Za̧a̧nyɔ gi wɔŋk luko, hi ɗɔbsig daar luk bɔ daarɔ. Yɔ anbɔ be, Yeesu dag gbɔlums daar Muusa ɔnɛ bɔ lɛl be.
4(Ya̧a̧nɛ, luk yɔ gi sɛw doo wɔŋge. Yɛrɛ za̧a̧nyɔ kim hin sɛw, Bɛt giya. ) 5Muusa ɔ̧nɛ woohin hi tɛŋk a Bɛt raa du sɛw an woosya, an gi boo hin wɔ gɔ hi dɔg kuudu dɔglya̧. 6Yɛrɛ Kristu woohin hi tɛŋk a Bɛt raadu anyɔ gi waawalɔ, Bɛt gbàag an raatɔ zulya. Bɛt raatɔ gɛ wɛya. An wɛ ook hinyɔ raa a gi gààwɛ hi tɛŋko, wɛ wa̧a̧k dɔglɔ hi walumsɛ hi hat gbɔɔltɔnɔ gi tuur a da̧a̧ki, gi gi anbɔ, wɛ gi Bɛt raatɔ bɔ gii ma. 7Hinɔ gii an hinyɔ Bɛt Mɔkilɔ gi raako:
a nɛɛko nɛ́ kɛm kɔlkɔ, 8bɔnɛ ɓaas kpoos nɛ anyɔ baa nɛ hi ɓats nɛ Bɛt zul a maatil bɔ a hɛtdɔŋdu ɔ̧tɔge, 9a lɛlyɔ baa nɛ hi maatib ge an hi goobe hi gbɛn woos be wɛl dumbili nasɔ. 10Ya̧a̧nɛ hin gi nɔɔb a dood wɔ waabil bɔrɔ duge hi zulha be dɔgɔ: a kpoosya̧ gɔ waa gbɔnɔ waki, hí mɛ̄ɛ̄ gbɔnɔ be gɛ. 11Yɔ anbɔ, be dɛŋgl nɛ hin hi nɔɔtigi: a hi taa gulik a be holumlɛl bɔ ge!
12Yɛ̧ɛ̧dɛ mi wɛ, oon zul nɛ an bɔ doo za nɛ teesdu kpoosɔ gi ha̧a̧lɔ gi zɛmr gi ɔɔ Bɛt za̧a̧til bɔ fɔkɔ. 13Yɛrɛ watinnɛ hinɛ nɛ gaatin tɛŋk ɔ̧t nuŋg sɛw an ɔ̧tyɔ hi elik a ꞋꞋnɛɛkoꞋꞋ gi kete gi da̧a̧dir gɛ, an bɔ hinha̧a̧l gi maat doo za gi ɓaas kpoosɔ. 14Ya̧a̧nɛ, wɛ waak ɗɔbsig hi kpoos wɛ gbunu an yɛɛlik yɔ wɛ yɛɛl nɛko gi tuur a da̧a̧ki, wɛ gi Kristu saamɔ hii gɔ, 15anyɔ Bɛt ɗɛɛrwolɔ raa:
a nɛɛko nɛ́ kɛm ya̧a̧ɔ, bɔnɛ ɓaas kpoos nɛ anyɔ baa nɛ hi ɓats nɛ Bɛt zulɛ.
16Bɔ doodya̧ lag Bɛt ya̧a̧ɔ hi ɓatsig zulɛ? Nɛ gɛ dood wɔ Muusa tuusihi a Misra sɛw ma mi? 17Hin nɔɔ Bɛt hi bɔ doodya̧ wɛl dumbili nasɔ? Nɛ gɛ dood hinha̧a̧lya wɔ wɔrkya̧ kus a hɛtdɔŋ du ma mi? 18Bɛt dɛŋgls bɔ doodya̧ hin a hi taa nɛ gulik a holumlɛlɔ bɔ gedu zaŋgi? Nɛ gɛ dood wɔ hi kɛmsig tɔn gɛ ma mi? 19Yɔ anbɔ, wɛ gbɛn a yɔ hi ta̧a̧ ɗɔbsig gɛ gii hi ɗɛ̄ɛ̄ gulik a holumlɛl bɔ gedu gɛ.
Currently Selected:
IBRANIŊKO 3: NTD
Highlight
Share
Copy
Want to have your highlights saved across all your devices? Sign up or sign in
Doyayo New Testament © Bible Society of Cameroon, 1991.