GIMA 1
1
KUTI KALATA
(Zɔk Gima 1—41)
Kpasa desee
1Wi nɛ̀ kpe zer tɛ tɔ̧ɔ̧ mbɔrɔ ko o wi-ɗaŋ
nɛ kɔ‘i nɔ̀ nɛ̀ desee.
Wi’ɛi yor gba-war ko o wi-de-ɗaŋmɔ na;
a̧ duk nù kpɔk in o wi-zɛkɛɗi Sɔ̧ na.
2Desee kɔ̧-a̧ kànà nɛ́ kasa heembea ko GASA WAN,
kii nɛ gba̧a̧-a̧ zɛ nɛ wese.
3Wi’ɛi hɔɔ ŋmaa in ŋma te nɛ wa guna ká̧ yì
nɛ̀ wai tɛ ŋgimbi-a, nɛ̀ wa̧a̧-a̧ kor na.
Mɔ n'aa de lɛŋ hɔ gba̧a̧ hɔɔ.
4Ko wi-ɗaŋ bo hegɔ na kòò tikiɗi.
A̧ duk hee pumyulu sunu
nɛ̀ búk pɛsi dam fara lɛŋ'ɛ ga.
5Wese-gɔna-kita, wen ko o wi-ɗaŋ beka yor na,
o wi-de-ɗaŋmɔ beka ya mgbara
o wi-de-mɔ nɛ yuwar-a na mbɛt,
6wen GASA WAN iŋa yuwar deemɔ ko wi-de-mɔ nɛ yuwar-a,
ɓɛɛ war deemɔ ko o wi-ɗaŋ nɛ́ yɔɔ-war.
Currently Selected:
GIMA 1: GB11DC
Highlight
Share
Copy
Want to have your highlights saved across all your devices? Sign up or sign in
KALATA KO SƆ̧ La Sainte Bible en Langue Gbaya © L’Alliance Biblique du Cameroun, 2011.