GIMA 2
2
Wannu nɛ Sɔ̧ hoka
1Wen ge sa o dukbíí dik gɛrɛm zu ŋmaa in o ŋmaa ge?
Wen ge sa o tugun bíí tuɓi da̧ a zu ŋmaa ge?
2Wen ge sa o wannu zu nù'ɛ kur zu GASA WAN ge?
Wen ge sa o be-wan e nú mɛ bɛ̧ GASA WAN
in wi n'aa tɛna nɔ̧́ a zu a̧ ge nde?
3Ɛ̀ɛ̀ kúr, ɛ̀ɛ̀ ŋmán nyak-zɔɓɔ kɔ-wa tɛ yɛ yinɛ,
ɛ̀ɛ̀ kpɔ̧́í̧ kpáŋá kɔ-wa ger yɛ pi̧ taŋ.
4Wi nɛ duk kɔ‘i yiwese mɛ‘i mam kɔ‘i nɛ wa;
wi-mam wa'i nɛ́ GASA WAN,
5a̧ tɔ̧ɔ̧ wen ha̧ wa nɛ ɗaŋsee,
a̧ tuɓa da̧ a zu wa ɓɛɛ bele zar wa a nù.
6Nɛ́ mi'i ee wannu kɔ‘m zu Siɔŋ.
Siɔŋ nɛ sa̧a̧ kaya kɔ‘m.
7Mi tɛ we ɗoŋ geŋa ko GASA WAN,
nɛ tɔ̧ɔ̧ ha̧‘m: «Mɛ́ nɛ́ bem kɔ‘m,
mi a̧ koo mɛ sɔsɔɔ.
8«Mɛ̀ ák am, ɓɛɛ mi tɛ ha̧ o tugun bíí ha̧ mɛ nɛ mɔɔ-oi;
o nduti-nù lɛŋ tɛ ya nɛ́ kɔ-mɛ.
9«Mɛ tɛ bi o nduti-nú nɔ‘i nɛ dɔ́rá-boi.
Mɛ tɛ ɗaŋ wa hee mɔ'ɔ nɛ‘i gba nɛ kpánà
a nù ɗɛ́sɛ́-ɗɛ́sɛ́'ɛ ga.»
10Ɓɛɛ kinii, o wannu, kɔ̧ zaŋ‘nɛ́ a̧ gɔn;
o wi-gɔn-kita zu nù'ɛ, ɛ̀nɛ̀ zíí mbɔrɔ!
11Ɛ̀nɛ̀ dé tom ha̧ GASA WAN, tu̧ nɛ tɛ-a,
in ɛ̀nɛ̀ yú kíí a̧ mbɛt.
12Ɛ̀nɛ̀ hɛ́r ti-bee-a nɛ naka-tɛ;
kà see-aa nyim, ɛnɛ tɛ kum,
wen tɛ mɔ tikiɗi nyimsea kɔ̧-a̧ kura kaɗi!
O wi nɛ hu̧si ɗoŋ GASA WAN ya kɔ‘i nɛ desee.
Currently Selected:
GIMA 2: GB11DC
Highlight
Share
Copy
Want to have your highlights saved across all your devices? Sign up or sign in
KALATA KO SƆ̧ La Sainte Bible en Langue Gbaya © L’Alliance Biblique du Cameroun, 2011.