OSEE 14
14
1O bíí Samarii tɛ zɔk kana bɔnɛ-oi-ɗaŋmɔ kɔ-wa,
wen wa dee ŋgazu in Sɔ̧ kɔ-wa.
Gba-paa tɛ gbɛ wa,
ɓɛɛ tɛ kum o be-zɔɗi bem kɔ-wa,
wa tɛ vuti zaŋ o nàá-zaŋ.
Kpaa-mbe-ta in mbe mɔ nɛ tɛ hɔ
2Hegɔ, Israɛl, ɛ̀nɛ̀ píí ɗoŋ tɛ GASA WAN Sɔ̧ k’ɛ́nɛ́,
wen yɔɔ-kaya k’ɛ́nɛ́ dee h’ɛ́nɛ́ mɛ tir yɔɔ-mɔ.
3Ɛ̀nɛ̀ píí ɗoŋ tɛ GASA WAN,
ɓɛɛ ɛ̀nɛ̀ tɔ̧́ wen nɔ'ɔ ha̧ a̧:
«Nɛ́ ɛ́nɛ́ a̧ ba ɗaŋmɔ lɛŋ yinɛ.
Ɛ̀nɛ̀ kpɛ́k mɔ nɛ ɔ dee.
Wiwii-ndai n’ɛɛ ɗafi nɛ̀ ɛnɛ'ɛ
usi nɛ wen mɛ kɔ̧ nú yɛ.
4Asirii nyɛm mɛ kpasi yɛ na,
ɛɛ beka sa mɔ nɛ er yɛ dea'e, Sɔ̧ k’ɛɛ ɓɔna.
Ɛnɛ nɛ wan-de-ko ha̧ o be-oi.»
5Mi tɛ kpasi wa tɛ ŋgazu kɔ-wa.
Mi tɛ kɔ̧ wa nɛ mbetɛ.
Mi tɛ fo nyimsea kɔ‘m yinɛ zu wa.
6Mi tɛ duk tɛ-a hee mɛ nɛ mbɛŋ ga,
hegɔ a̧ tɛ ɓɔ nɛ de-a hee mɛ nɛ gba-dɛŋ ga,
ɓɛɛ ku̧nin-a yee nù nɛ ɗuka-a
hee kunin-te kɔ̧ kombo Libaŋ ga.
7A̧ tɛ gba er-a nɛ gasa-a;
gba de tɛ-a tɛ duk hee te-nɔ́ ga,
ɓɛɛ pɛr tɛ-a kura ɓisisi
hee pɛr kɔ̧́ kombo Libaŋ mɛ ga.
8O bíí nɛ yaa so ɗɔɔ gi̧ɔ̧-tɛ-a nɛti tɛ pii ɗoŋ;
wa tɛ dɛm alkamaari woyo,
wa tɛ do hee waya-nyak-dɔ̧ɔ̧ ga,
ɓɛɛ nin-wa tɛ hu̧r hee dɔ̧ɔ̧ Libaŋ ga.
9Efraim, nɛ́ ge a̧ mɛ tɛ kii sitɛ o géé-sɔ̧ ɓɔ ge?#14.9 o ŋma texte tɔ̧a: Efraim, ŋma mɔ kɔ‘m in o gee sɔ̧ nɛ́ ge nde?
wen nɛ́ mi'i zii kɔfa-sɔ̧ kɔ-mɛ,
ɓɛɛ nɛ́ mi'i dai mɛ mbɛt.
Mi duk hee zawaya nɛ duk nɛ ɓɔa-a ɓɔnsɛnɛ ga;
ɓɛɛ nɛ́ wen zu'm a̧ nyɔnɔ kɔ-mɛ dɛm nɛnɛ.
10Wi-iŋ-mgbara-mɔ nɛ́ boa,
a̧ tɛ zii mgbara wen ko Osee.#14.10 wen ko Osee: verset ‘ɛ tɔ̧ nɛ́ mɔ zu kalata ko Osee nɛ̀ oi-aa lɛŋ.
Wi-iŋ-mɔ nɛ tɛ iŋ mɔ‘i a̧a̧ sɛnɛ nde?
Yuwar ko GASA WAN ɔ tana;
o wi-de-mɔ nɛ yuwar-a tɛ nɛ nɔ sɛnɛ,
ɓɛɛ o wi-ŋgazu tir kɔ‘i nɛ yɔɔ-aa.
Currently Selected:
OSEE 14: GB11DC
Highlight
Share
Copy
Want to have your highlights saved across all your devices? Sign up or sign in
KALATA KO SƆ̧ La Sainte Bible en Langue Gbaya © L’Alliance Biblique du Cameroun, 2011.