OSEE 12
12
Dee mɔɔ-ndela ko Israɛl
1Efraim gɔna ɗoŋ-am nɛ ndela;
nutua Israɛl zika'm nɛ ɔrmɔ,
ɓɛɛ Juda ɓɔn kɔ‘i tɛ nɛɛ nɔ in Sɔ̧,
mbo nɛ zu ha̧ Wan nɛ ɔ sa̧a̧ nyɛmna.
2Nyɔŋmɔ ko Efraim nɛ búk;
a̧ ndak nɛ ɗoŋ búk mɛ daŋa-wese hegɔ zɛ de nɛnɛ,
de nɛ dɔka ŋgamɔ nɛnɛ.
A̧ nɔɔ tɔk in Asirii,
ɓɛɛ a̧ kai nɔ nɛnɛ si Egiptɛ mɛ.
3GASA WAN a̧a̧ nɛ wen in Juda;
a̧ tɛ usi bɔnɛ ha̧ Jakob nyɛm nɛ ɗoŋ deemɔ kɔ̧-a̧,
a̧ tɛ ha̧ mɔɔ-oi-tom kɔ̧-a̧ ha̧ a̧.
4Jakob baa fara ko zɔmwi kɔ‘i
nɛ kɔ̧ zaŋ nàà kɔ-wa mɛ tɛnɛ,
ɓɛɛ n'aa gasa kaɗi, a̧ bìí biro in Sɔ̧.#Ku̧u̧ 25.26#Ku̧u̧ 32.25-26
5Jakob bìí biro in betom ko Sɔ̧,
ɓɛɛ a̧ gan a̧;
nɛ mɔ'ɔ n'aa hi̧a̧ kɔ̧a̧ ai nɛ nú ha̧ a̧.
A̧ kpaa ŋmaa in Sɔ̧ sɛn Bɛtɛl,
ɓɛɛ nɛ́ hi̧i̧ a̧ Sɔ̧ tɔ̧ɔ̧ nɛ wen ha̧ a̧.#Ku̧u̧ 28.10-22
6Mɛ nɛ GASA WAN nɛ a̧a̧ nɛ ŋgayamɔ lɛŋ,
mgbák nin-a nɛ‘i tɛ zɔn nɛ a̧,
nɛ́ GASA WAN.
7Ɓɛɛ kɔ-mɛ, mɛ̀ píí ɗoŋ tɛ Sɔ̧ kɔ-mɛ,
mɛ̀ dúk tɛ mboozu,
de nɛ mɔ nɛ yuwar-a,
e nɛ ta nɛ Sɔ̧ kɔ-mɛ ɓɔnsɛnɛ.
8Efraim hɔɔ ŋmaa in o be Kanaŋ
nɛ mɔɔ-we-mɔ kɔ-wa nyɛm sɛnɛ na,
nɛ wa zu̧ nɛ̀ bíí.
9A̧‘e nde, wi kia kɔ‘i nɛ dɔka mbɔi,
ɓɛɛ wi kpa mɔ.
Tɛ tom nɛ‘i dee lɛŋ,
ŋma be yɔɔ-kaya ha̧ bíí mɛ tɔ̧ wen zu-a bo na.
10Ɓɛɛ kɔ‘m, mi nɛ GASA WAN Sɔ̧ kɔ-mɛ,
nɛ̀ nú Egiptɛ mɛ tɛnɛ;
mi tɛ de ha̧ mɛ mɛ ɔ kɔ̧ tua-laa woyo
hee ŋgimbi-kpaa-ŋmaa#12.10b ŋgimbi-kpaa-ŋmaa: usi nɛ́ ŋgimbi nɛ̀ o be Israɛl yaa só nɛnɛ ŋgá-gbárà Sinai mɛ. O ŋma texte tɔ̧a: hee tɛ́ ŋgimbi gbaŋa ga.#Lev 23.42-43 k’ɛɛ nɛti ga.
11Mi tɛ tɔ̧ wen ha̧ o wi-tɔ̧-wen oi nú‘m,
mi tɛ hɔ zu ha̧ wa gan kuti-a,
ɓɛɛ mi tɛ e lizaŋ kɔ‘m sɛn nú-wa mbɛt.
12Mɔ ko Galad lɛŋ nɛ ndela,
wa kifa nɛ geemɔ;
wa kaɗi gbɛɛ wiwii-ndai ɗafi nɛ géé-sɔ̧ sɛn Gilgal na;
o fara-ɗafi-sɔ̧ kɔ-wa
ya hee yumba duk-ta sɛn kpɛɛfɔ ga.
13Jakob yuu so mɔ si bɔkɔ-nú Aram mɛ;
sɛn hi̧i̧ Israɛl dee kɔfɛ dai nɛ mɔ-dai.#Ku̧u̧ 29.1-20
14GASA WAN toma ŋma wi-tɔ̧-wen oi nú-wi
mgbɔ nɛ Israɛl nɛ nú Egiptɛ mɛ gbonɛ;
nɛ́ wi-tɔ̧-wen oi nú Sɔ̧ a̧ pɛma wa mbɛt.#Gboa-a 12.50-51
15Efraim dee mɔɔ-tu̧-see Sɔ̧ nɛ ɗaŋ-a,
ɓɛɛ GASA WAN kɔ̧-a̧ de
ha̧ simbo-gbɛɛzu ko Efraim'i mɛ si ɗoŋ zu a̧;
a̧ tɛ kpa mɔɔ-oi-búù kɔ̧-a̧.
Currently Selected:
OSEE 12: GB11DC
Highlight
Share
Copy
Want to have your highlights saved across all your devices? Sign up or sign in
KALATA KO SƆ̧ La Sainte Bible en Langue Gbaya © L’Alliance Biblique du Cameroun, 2011.