1 Sunda Hamuleinid’a Wana ni modo zla d’a kuruta
Wana ni modo zla d’a kuruta
Mbaktum mba mbà d’a yam Sunda hAmuleinid’a, ti tcholï nata ades ma tuna aduk Israel-lâ; dam ti tcholï nata suma ngat buzuna kla; ni ngad’a yam sun nda tud’a. Ni d’igi zla d’a a b’irit yam atchogoi d’a kala á ge humbid’a na. Ti nga d’i vad’ud’a yam zla d’a ti le ki suma hAlonid’ina, tin ni ad’ud’a ata man nda mi manazid’a dei gak mba kur atchogoi d’a a yozi magomba a izi Babilon-nda.
Sama mi väd’u zla ndatina ni sama hat á wäd’u zlad’a hAlonid’ina, ni ma he tam kat á tchat walatna mi. Mbaktum mba mi fad’enga kurut á de ki zla ndatid’a ni Mbaktumba hi Samuel-la ki Mbaktumba hAmuleinid’a. Wani zla d’a mam manat mi nga mi le ki sundid’a, ni hat ta kur mbaktum ndatid’a ba, hurum vad’u. Alona tu ni Ma mi te yam Israel-lîna. Amuleina a nazungeî mam suma mi hazi sunda á tak ad’eng mamba woi yam kak mazi d’a halasina. A we woi ala David namul ma d’engzeng ma gagazina. Ni mam ba, mi hle Jerusalem. Bugol ndjö, ti mbut azì ma ngol ma a tinim iram vama kayam a min gong nga kud’ora hAlonid’a kua. Ni mam ba, mi tak lovot ta tita mi suma, mi min lovot ta kud’ora mi Israel-lâ ata lovod’ot mi. Bugol matna hamul ma mi mbut vama tak ma djivina mi sum mamina, sala zla ndata mi tin djib’er mamba yam andjavam mi tinim amula yam suma Juda-na.
Ad’u tinda hi Mbaktum mba avok ka de zlad’a yam Sunda hAmuleinid’a, nga d’i gei humei yam zla d’a tin ad’ud’a ata Adam dei gak mba ata David-ta, ni gid’enga hina d’egetek ngad’a yam andjavazi ma a b’irim kä na. Gol sapitre d’a 1–9.
Wal mat ta mbàd’a ni kur sapitre d’a 10–29. Ti de zlad’a ni yam amula la ted’a hi David-ta. Sala mbaktum ndata mi ar zla d’a tetenga woi ablaud’a, nala, azongâ hi David-na tcha mam mba tatad’a, zla d’a aduk tam ki Saul-la, te d’a mi tamula bizad’a kid’iziya avo Hebron-nda, tcho d’a mi lat ki Batseba-d’a, tchol la Apsalom mi tchol huneîd’a ki sed’emba kahle suma dingâ teteng mi.
Wani mi de zlad’a yam djok ka David mi djok zandu’â hi Ma didinina woid’a, yam tin nda mi tin ad’ud’a á ndum Israel-lâ ba ndaka mba ki kazid’a, yam min nda mi min yima ngal ahle suma ngat buzuna yam yima a mba min gong nga kud’ora hAlonid’a kuana, yam tin nda mi tin adesâ hi suma ngat buzuna ki suma hi Levi-na ki suma hle sawala ki suma ngom vun agre’îd’a, yam tok ka a tok ahlena teteng á min ki gong nga kud’or ra avo Jerusalem-mbid’a mi. t Wana ni wal mata
Ndumba handjaf suma avo’îd’a 1–9
Zlad’a hi David amul ma Israel-lîd’a 10–29
Currently Selected:
1 Sunda Hamuleinid’a Wana ni modo zla d’a kuruta: BA
Highlight
Share
Copy
Want to have your highlights saved across all your devices? Sign up or sign in
Azumeina Bible © Alliance Biblique du Tchad, 1999.