Mashitanguti 30
30
Manzwi a Aguru
1A ki manzwi a maikuto a Aguru, mwan'a Jake. Mutu yo u ize:
“Mulimu h'a yo ku na,
Mulimu h'a yo ku na,
mi ha ni na tuso.
2Ni swana feela ni folofolo,
isiñi mutu.
Ha ni na ngana ye kwa batu.
3Ha ni si ka ituta ku ba ni butali,
mi ha ku na ni se sikana
lse ni ziba uli ka Mulimu.
4Ki mañi ya sweli hande zibo
ya za lihalimu?
Ki mañi ya kile a swala moya?
Kamba ya kile a putela mezi
mwa lisila?
Kamba ku ngunda mafelelezo a lifasi?
Ki mañi, haiba wa ziba?
Mwan'a hae ki mañi?
5“Mulimu u buluka sepiso kaufela y'a ezize. U swana ni tebe ku ba ba bata ku silelezwa ki yena. 6Haiba u ka bulela kuli Mulimu n'a bulezi cwana, ili s'a si ka bulela, u ta ku atula ka tata, ku ku bonisa kuli u lihata.”
Manzwi a butali hape
7Mulimu, ni ku kupa lika ze peli. Ni fe zona ni si ka shwa kale. 8Ni zwise mwa buhata ni bupumi. Ni si ke na ba mufumi kamba mubotana. Ni fe feela lico ze ni tokwa. 9Haiba ni ba ni ze ñata, mwendi ni ka swana na li, ha ni sa ku tokwa. Kono haiba ni ba mubotana, ni swana na uzwa, mi na swabisa Mulimu wa ka.
10U si ke wa lika ku nyaza mubeleki ku muñ'a hae. U ta kutiwa, mi u nyande kabakala s'o ezize.
11Ku na ni batu ba ba lwahanga bo ndat'a bona, mi ha ba bonahazi ku tabela bo m'a bona.
12Ku na ni batu ba ba hupula kuli ba kenile, kanti ba sa tezi masila luli.
13Ku na ni batu ba ba hupula kuli ba lukile. Mawee, mu bone mo ba ikupulela ku luka!
14Ku na ni batu ba ba eza babotana ni ba ba shebile ka situhu. Ki ona mukwa o ba ipilisa ka ona.
Lipulelo ze ama linombolo
Lika ze ne ze sa icateli
15Munyopi u na ni bana ba basizana ba babeli, mi bubeli bwa bona ba biziwa bo “Ni fe!”
Ku na ni lika ze ne, ze sa kuli:
16Ki lifasi la ba ba shwile,
musali ya si ka pepa,
mubu o omile o tokwa pula,
ni mulilo wa lubya.
17Mutu ya sheununa ndat'ahe kamba ku nyaziseza m'ahe ha s'a supezi, u lukela ku ciwa ki manoñu, kamba meeto a hae a tongolwe ki mañwalala.
Lika ze ne ze makaza
18Ku na ni lika ze ne, ze komokisa, ze ni sa koni ku utwisisa:
19 #
But 5.10-12
Ki mbande ye fufa mwahalimu,
noha ye hohoba fa licwe,
sisepe se si cimbauka mwa liwate,
ni munna ni musali ba ba latana.
20Ki mona mw'a ezeza musali ya sa sepahali. Wa buka, wa tapa, mi u li, “Kono ha ku na se ni fosize!”
Lika ze ne ze sa koni ku twaelwa
21Ku na ni lika ze ne, zeo ni lifasi kasibili ha li koni ku li swalela:
22Ki mutanga ya fetuha mulena,
ni sikuba ya na ni z'a bata ku ca kaufela.
23Ki musali ya na ni lutimbo ya nyalwa,
ni mubeleki wa musizana ya yanga mulen'a hae wa musali.
Lika ze ne ze nyinyani kono ili ze butali
24Mwa lifasi ku na ni lifolofolo ze ne, ze nyinyani, kono li butali hahulu-hulu:
25Butwa bwa fokola, kono litabula bu kubukanya lico za bona.
26Limbila ni zona za fokola, kono li ikezeza mandu mwahal'a macwe.
27Nzie ha i na mulena, kono i zamaya sikutu.
28Mikolozwani, wa kona ku swala o muñwi wa yona mwa lizoho, kono wa i fumana mwa mandu a malena.
Lika ze ne ze buheha
29Ku na ni lika ze ne, ze tabisa ha u li talima li nze li zamaya:
30Ki litau ze na ni maata ku fita lifolofolo kamukana, mi ha li na nihaili i liñwi feela ye li saba.
31Ki puli ya munna ye etelezi mutapi.
Ki mikombwe ye zamaya ka ku ikutwisisa.
Ki malena kwapil'a batu ba bona.
Mu si ke mwa kataza ba bañwi
32Haiba u kile wa ba sikuba ka ku ba ni muikuhumuso ni ku lela ze maswe, tuhela mi u nahane pili! 33Feta mabisi mi u ta fumana mafula. Nata fa ngo ya yo muñwi mi ku ta zwa mookola. Nyemisa batu mi u ta kena mwa mifili-fili.
Currently Selected:
Mashitanguti 30: Lozi09
Highlight
Share
Copy
Want to have your highlights saved across all your devices? Sign up or sign in
Lozi Interconfessional Bible, Catholic Edition © Bible Society of Zambia, 2009.