Mashitanguti 29
29
1Haiba u hanyeza ka nako ni nako ha u sikululwa, konji u pyatehe zazi le liñwi, mi ha u na ku pila hape.
Puso ya ngana
2Ni supeze mubusi ya lukile, mi ni na, ni ta ku supeza sicaba se si iketile. Ni supeze mubusi ya maswe, mi ni na, ni ta ku supeza sicaba se si zielehile.
3Haiba u tabela butali, ndat'aho u ta ikuhumusa ka wena.
Ku sinyeza mali fa mahule ki bukuba luli.
4Mulena h'a isa pilu kwa likatulo ze lukile, naha i ka tiya. Kono h'a isa feela pilu kwa mali, u ta sinya naha ya hae.
5Puma balikani ba hao mi u iteele siteo ili wena.
6Batu ba ba maswe ba swaseha mwa libi za bona, haili batu ba ba lukile ba tabile mi ba lukuluhile.
7Mutu yo munde u ziba liswanelo za mubotana, kono batu ba ba maswe ha ba koni ku utwsisisa lika ze cwalo.
8Batu ba ba si na taba ni ba bañwi ba kona ku kenya munzi mwa ziezi. Batu ba ba butali ba felisa lika hande.
9Mutu ya butali h'a zekisana ni sikuba, sikuba si ta inela ku seha feela, a taze lilata ni ku nyemisa.
10Batu ba babulai ba toile mutu ya lukile, kono batu ba ba lukile ba ta sileleza bupilo bwa hae.
11Mutu wa sitoto u bonahaza bunyemi bwa hae, kono mutu ya na ni ngana u na ni buiswalo mi u nyemuluha kapili.
12Haiba mubusi a teeleza kwa litaba za buhata, manduna ba hae kamukana ba ta ba mahata.
13Mubotana ni ya mu nyandisa, ba na ni se ba kopanezi. Muñ'a Bupilo u ba file meeto bubeli bwa bona.
14Haiba mulena a takeleza liswanelo za mubotana, u ta busa nako ye telele.
Tuto
15Ku sikulula ni ku kalimela ki ze nde ku mwana. Haiba mwana a ba ni nzila ya hae, u ka swabisa m'ahe.
16Batu ba ba maswe ha ba busa, bumaswe bwa ekezeha. Kono ba ba lukile ba ta pila mane ba bone mo ba ka wela batu ba ba cwalo.
17Kalimela mwan'a hao mi u ka ku tabisa nako kaufela. H'a na ku ku fa libaka le li ka ku swabisa.
18Sicaba se si sa zamaiswi ki Muñ'a Bupilo ki sicaba se si si na mulao. U litohonolo mutu ya buluka mulao wa Mulimu.
19 #
Litu 33.25-30
Ha u koni ku sikulula mubeleki ka ku bulela feela ni yena. U ta ku utwa kono h'a na ku isa pilu kwateñi.
20Ku na ni sepo ku sikuba ku fita mutu ya bulela a si ka hupula.
21Fa mubeleki wa hao lika kamukana z'a bata ku kalela kwa bwanana, mi zazi le liñwi u ta ngelela z'o na ni zona kaufela.
Buiketo ni buikokobezo
22Batu ba ba nyema-nyema feela ba tisa likomano ze ñata ni mifili-fili.
23Buikuhumuso ki ku wa kwa mutu, kono mutu ya ishuwile wa kutekeha.
24Mulikan'a lisholi ki yena sila sa hae se si maswe. U ta utwiswa butuku haiba a ka bulela niti mwa kuta, ni Mulimu u ta mu kuta haiba a sa buleli.
25Ku na ni kozi ku isa pilu ku ze ba ku hupulela batu ba bañwi kono ku sepa Muñ'a Bupilo kwa tusa.
26Mutu ni mutu u bata ku zibiwa ki mubusi, kono ki ku Muñ'a Bupilo feela ko u ta fumana katulo ye lukile.
27Ba ba lukile ba toile ba ba maswe, ni ba ba maswe ba toile ba ba lukile.
Currently Selected:
Mashitanguti 29: Lozi09
Highlight
Share
Copy
Want to have your highlights saved across all your devices? Sign up or sign in
Lozi Interconfessional Bible, Catholic Edition © Bible Society of Zambia, 2009.