Yonas 3
3
Yonas ta prediká na Nínive
1Pa di dos bia Yonas a risibí un mensahe di SEÑOR: 2‘Lanta bo bai e stat grandi Nínive i prediká loke Mi ta bisa bo.’ 3Yonas a hasi manera SEÑOR a bis'é i el a sali pa Nínive. Nínive tabata un stat asina grandi ku tabata tuma tres dia pa bo pasa dor di dje. 4Yonas a drenta stat i el a kana un dia largu; el a bisa e hendenan na bos altu: ‘Aki kuarenta dia SEÑOR lo destruí Nínive.’ 5E hendenan a kere Dios su mensahe, nan a anunsiá pa grandi i chikí yuna i nan a bisti pañanan di saku komo penitensia.#Mateo 12:41; Lukas 11:32 6Ora e rei di Nínive a tende e notisia, el a lanta for di su trono, kita su mantel di rei, bisti un paña di saku i a sinta abou na suela. 7Riba òrdu di rei i su ministernan nan a bisa e hendenan di e stat: ‘Niun hende no mag kome ni bebe nada. No laga bestianan, ni baka, ni karné, kome yerba ni bebe awa tampoko. 8Tur mester bisti paña di saku, hende i bestia, i sklama na Dios di henter nan kurason. Tur hende mester kita for di mal kaminda i stòp di kometé violensia. 9Podisé Dios por haña duele, kambia di idea i lubidá su rabia, i lo nos keda na bida.’ 10Ora Dios a weta kiko e hendenan di Nínive tabata hasi, kon nan a kita for di mal kaminda, a duel Dios ku El a menasá di hasi nan daño i E no a hasié mas.
Currently Selected:
Yonas 3: BPK13
Highlight
Share
Copy
Want to have your highlights saved across all your devices? Sign up or sign in
Papiamentu Bible with DC © Bible Society in Netherlands Antilles and Aruba, 2012, 2013