Yonas 2

Orashon di Yonas

1For di den barika di e piská Yonas a resa na SEÑOR su Dios. 2El a bisa:

‘Den mi ansha mi a yama Bo, SEÑOR,

i Bo a rospondé mi.#2 Samuel 22:7; Salmonan 18:6; 120:1

For di den profundidat di morto mi a sklama na Bo, SEÑOR,

i Bo a skucha mi.#Salmo 130:1; Lamentashonnan 3:55

3Bo a tira mi te den fondo di laman,

korientenan di awa a rondoná mi;

tur bo olanan altu i brutu a pasa riba mi.#Salmonan 42:7; 88:3-7

4I ami, mi a bisa: “Bo a kore ku mi for di bo bista.#Salmo 31:22

Lo mi bolbe weta bo tèmpel santu un dia?”#2:4 Lo…dia?: segun un vershon antiguo; hebreo tin: Pero sigur lo mi bolbe weta bo tèmpel santu un dia.

5Awa tabata rondoná mi i menasá mi,

laman hundu tabata tapa mi di tur banda

i tabatin lima lorá rònt di mi kabes.

6Mi a senk bai te den fondo di laman

kaminda serunan tin nan orígen;#Salmo 69:2

portanan di mundu a sera pa semper mi tras.

Pero Abo, SEÑOR mi Dios, a saka mi bibu for di e abismo akí.#Salmo 30:3

7Ora mi a sinti ku rosea di bida tabata kaba pa mi,

mi a kòrda riba bo, SEÑOR,

i mi orashon a yega serka Bo den bo tèmpel santu.

8Esnan ku ta sirbi diosnan falsu, ku no por yuda nan ku nada,

ta laga Abo, ku ta fiel na nan, kai.

9Pero ami, ku kantika di gradisimentu, lo mi ofresé Bo sakrifisio.

Ami ke kumpli ku loke mi a primintí, SEÑOR.#Salmo 22:25

Abo so por trese salbashon!’

10E ora ei riba òrdu di SEÑOR e piská a skupi Yonas bèk riba tera.

Currently Selected:

Yonas 2: BPK13

Highlight

Copy

Want to have your highlights saved across all your devices? Sign up or sign in

Popular Bible Verses from
Yonas 2