2 Tesalonisensenan 2
2
Aklarashon tokante binimentu di Señor
1Awor, rumannan, tokante binimentu di nos Señor Hesu-Kristu i e echo ku nos lo ta reuní kunÉ,#1 Tesalonisensenan 4:15-17 nos ta pidi boso: 2no laga nada ku ta anunsiá ku dia di Señor su binida a yega kaba, kita boso lihé fo'i skel i alarmá boso, no ta importá si ta un revelashon, un predikashi òf un karta supuestamente di nos. 3No laga niun hende gaña boso di ningun manera, pasobra promé ku Señor bini, ta bini e rebeldia kontra Dios i tambe e hòmber ku ta personifikashon di maldat, esun destiná pa pèrdishon. 4E hòmber ei ta esun ku ta lanta kontra tur loke ta karga nòmber di Dios i ta digno di adorashon,#Daniel 11:36; Ezekiel 28:2; 2 Makabeonan 9:8 i ta alsa su mes riba nan. E ta yega asina leu ku e ta bai sinta den tèmpel di Dios i proklamá públikamente ku t'é mes ta Dios!
5Kòrda ku mi a papia e kosnan akí diferente bia ku boso, tempu ainda mi tabata serka boso. 6Anto boso ta na altura ken#2:6 ken; otro posibel tradukshon: kiko ta stroba e hòmber ei di sali bini dilanti promé ku su tempu. 7Pues e plan sekreto di maldat ya a kuminsá funshoná kaba, pero solamente ta falta pa hala esun ku#2:7 esun ku; otro posibel tradukshon: loke ta strob'é un banda. 8Ora esei sosodé, e hòmber ku ta personifikashon di maldat lo sali bini dilanti. Anto ora Hesus aparesé den su splendor, lo E destruyé ku su rosea#Isaías 11:4 i derot'é kompletamente. 9E hòmber ei lo bini ku yudansa di satanas, ku tur sorto di muestra di poder, señal- i milagernan#Mateo 24:24 engañoso. 10Tambe e ta bini ku tur sorto di engaño malisioso pa desviá esnan ku ta bai pèrdí, pasobra nan no a habri nan mes pa stima bèrdat i asina haña salbashon. 11P'esei Dios ta manda un forsa pa desviá nan, pa nan kere den loke ta mentira. 12Asina nan tur ta haña nan kondena, tur ku no a kere den bèrdat, pero a sinti goso den hasi maldat.
Tene duru na nos siñansanan
13Rumannan stimá pa Señor, ta nos deber pa semper yama Dios danki pa boso, pasobra Dios a skohe boso pa ta e proménan ku ta risibí salbashon#2:13 pa ta…salbashon; otro manuskrito tin: for di kuminsamentu pa ta salbá pa medio di Spiritu Santu ku ta santifiká boso i pa medio di boso fe den loke ta bèrdat. 14Ta p'esei mes Dios a yama boso pa medio di e bon notisia ku nos ta prediká, pa boso tuma parti na e gloria di nos Señor Hesu-Kristu.
15P'esei anto rumannan, para firme, tene duru na e siñansanan ku boso a haña di nos, sea personalmente òf via karta.#1 Korintionan 11:2 16Nos Señor Hesu-Kristu mes i Dios, nos Tata, ku a stima nos i p'esei a duna nos konsuelo eterno i bon speransa pa medio di su grasia, 17animá i fortalesé boso kurason pa semper boso hasi i papia loke ta bon.
Currently Selected:
2 Tesalonisensenan 2: PBDC13
Highlight
Share
Copy
Want to have your highlights saved across all your devices? Sign up or sign in
Papiamentu Bible with DC © Bible Society in Netherlands Antilles and Aruba, 2012, 2013