Sefania 1
1
1Nâlekab oᴋausinga tikilauktok Sefaniamut Kusib erninganut, Gedaliab erngutanganut, Amariab erngutapsanganut, Hiskiab erngutapsapsanganut, Josiab Amonib erningata, Jûdame ataniojûb, uvlungane.
2Tamaitaksuit nunab ᴋânganêtut nungumarigomârpakka, oᴋarpok Nâlegak.
3Nungutsomârpakka inuit nergjutillo; nungutsomârpakka tingmiat ᴋilaub atânêtut, mingeriallo imarbingmêtut, asserorsautillo idluitulijut ilaliullugit; inuillo pêjaromârpakka nunab ᴋânganit, oᴋarpok Nâlegak.
4Aggakkalo isagomârpakka Jûdamut Jerusalemiblo inunginut tamainut; inimillo tamattomangat Baalib amiakungit pêjaromârpakka, Gûdingoallo atingit ᴋemariminik taijat, ajoᴋertuijut ilaliullugit;
5Ipkoalo pâmaktertut iglut ᴋângine ᴋilaub uvlorianginut, ipkoalo pâmagveᴋartut Nâlekamik, angervigilugo, Malkamelo angervigiᴋasiutilugo;
6Ipkoalo ᴋeviartut Nâlegak maligungnailugo; ipkoalo Nâlekamik ᴋenilungitut aperᴋutiginagolo.
7Nâlekab Gudib najorningane nipangerit, Nâlekab uvlunga ᴋaglilermat: Nâlekab tunergutiksak toᴋotaksak atuinarungmago, ᴋaiᴋojanelo ivsornaitipait.
8Uvlormelo Nâlekab tunergutiksangata toᴋotaksab tunijauviane, angajoᴋâᴋsuit, ataniublo erningit, ilûnaitalo annorâlijartut takorngartanik pidlaromârpakka.
9Taipsomanelo pidlaromârivakka tamaita upkoab ablorianganik abluijut, angajoᴋâmik iglunganik tataijut idluitulinermik uivêriklernermiglo.
10Uvlormelo tâpsomane ᴋôrᴋsudlartut nippingit tusaksaujomârput itertarvingmit aulasagatalingmit, oᴋarpok Nâlegak, erinaluaᴋinermiglo iglunit allerpânit, kataᴋallânermiglo ᴋakᴋanit.
11Kôrᴋsudlaritse serᴋalitsivingmiojose, niuverniartit ilûnatik nungumatta, ilûnatiglo silberemik nângmartut kipijaungmatta.
12Pijoᴋalârporlo neliutome tâpsomane nanerusijarlunga Jerusalem nautsertoromârapko, pidlaromârpakkalo inuit kinganekumingne kingartut, ômatimingne oᴋartut: Nâlegak ajungitomiglônêt idluitomiglônêt piniaromângilak.
13Tâpkoa perᴋutingit aᴋsârnigaujomârput, iglungillo Nunguniᴋungoromârput; ilâ, iglolioromârput iniginagille; vaineliksataliksaniglo ilijijomârput, vainetorviginagille.
14Nâlekab uvloᴋsoanga ᴋanidlarmat, ᴋanidlarpok ᴋaglisaraidlarporlo, Nâlekab uvlungata ᴋikergalijarninga; pitsartudlartut ᴋasilinadlartomik nipliadlaromârput tagva.
15Uvlok tâmna tagva uvlôvok ningarnersoatalik, uvloᴋ kiksarnartotalik kapianartotaliglo, uvlok asserᴋivik asseroiviglo, uvlok tâᴋtok tâmariktok, uvlok nuvujalik ᴋaujuitorlo,
16Uvloᴋ tiptulausijarvik kamasâriviglo, iglugasaksoarne ungalujijoksoatalingne, nuvuguseksoarnelo poktojune.
17Inuillo tikitautitsomârpakka kapiasungnersoarmut, arvertarᴋovlugit tautungitutitut, Nâlegak idluitulivigingmatsuk; aungillo kovijaulârput imeᴋtut, uviningillo aktarniluᴋotitut.
18Silbereᴋotingita goldeᴋotingitalônêt piulijungnaromângilait Nâlekab ningarnersoangata uvlungane; nunâle ilûnât ikitaujomârpok ilungertorningata ikoâlaninganut; ᴋeongominadlartomik nungutsomârmagit nunab inungit tamaita.
Currently Selected:
Sefania 1: LIHB08
Highlight
Share
Copy
Want to have your highlights saved across all your devices? Sign up or sign in
Labrador Inuttitut Heritage Bible © Canadian Bible Society, 2008.