II Timôteusemut 3
3
Neliutut kingorlerpât, ajoᴋertuinerluktullo, unangmijaunerillo, aglaillo hailigit atornarningat oᴋautauvut.
1Tamannale nalojungnairuk, uvluksane kingorlerne nangianartoksoarnik neliutoᴋaromârmat.
2Inuᴋaromâlermat ingmingnik piojorijoᴋsoarnik, pijomatudlartunik, nertortaujomajunik, pimariutertunik mitauteᴋadlartunik, angajoᴋâmingnik nâlengitunik, ivjornartunik,
3Naglijuitunik, saimajuitunik, terliaᴋataujunik, nâmaksijuitunik, erᴋsinartunik ajungitomik naglingitunik,
4Oᴋauteᴋaluktunik, ilerakutisuitunik, piblingaitunik, allianarluktunik unganersaijunik Gûdemit;
5Gûdemik nâlekteojârtunik, pitsartuninganigle sakᴋertitsijomangitunik. Taipkoatauk allakit.
6Taipkoa illangit iglunut terliarutivlutik pulârᴋattarput, (oᴋautsimikut) arnakulluit naperdlugit, arnat ajortoliksuit, sunatuinarnullo ikligunernut tessiortaujut,
7Ilinniatsainartut, mikseᴋârnerle illitarivlugo sapertut.
8Sorlole Jannêsib Jambrêsiblo Môsese akkerartulaungmakko, taimâktauk tâpkoa miksaᴋârnek akkerartorivât; inuit ukkua asserorsimajunik issumalit okpernek ajulerpât.
9Akunêrtomigle taimainiangilat; silainingit sakᴋerniarmatta ilûnainut, ipkotitunak.
10Igville tukkisitsiarpat ajoᴋertuinera, iluseralo, issumasimaneralo, okperneralo, kamangitsertorneralo, nagligosungneralo, ᴋenuersârneralo,
11Unangmijauneralo, kappiasuktitaunikkalo tukkisilauktakka Antiochiamêdlunga, Ikôniamelo Listramelo, ᴋanok angijomik unangmijaugama tâvane; Nâlekablo piulilaukpânga taipkonangat tamainit.
12Ilûnatiglo Gûdib idluarijanganut inôniaromajut Kristûse Jêsuseme, unangmijaunek atoraksarivât.
13Inuille ajortut uivêriklertullo ajorpallianiarput, tamartitsivlutik tamartitaularmiglo.
14Igville sokᴋosijuilerit, sorlo ilinnialauravit sorlolo perᴋojaugavit, ᴋaujimavlutit kina ilinniartitsijigilaurangne.
15Sorusionernillo ᴋaujimagangne aglait hailigit, tâpkoa ajoᴋertortaujutigijungnarpatit, piulijauᴋovlutit okpernermut Kristûse Jêsusemut.
16Aglait tâpkoa ilûnatik Gûdemut pititaumajut atornarput ajoᴋertûtsemut, inerterinermullo, âᴋiniarnermullo, pidlarnermullo idluarsinerme;
17Gûdib inuᴋotinga nâmaksiniarᴋovlugo pijungnarsilunelo ajungitulinernut tamainut.
Currently Selected:
II Timôteusemut 3: LIHB08
Highlight
Share
Copy
Want to have your highlights saved across all your devices? Sign up or sign in
Labrador Inuttitut Heritage Bible © Canadian Bible Society, 2008.