I Timôteusemut 5
5
Illagêktut, taimaktauk uigarnerit angajoᴋaunerôjullo piniarviojuksauninginik ᴋanok.
1Itomik suangniarnak, atâtatulle ᴋaiblarniaruk; inôsuktut angutit ᴋatangutititut;
2Ningiut anânatitut; inôsuktut arnat ᴋatangutititut ikligujuinerme.
3Uigarnerit opigikit, idluarlutik uigarniojut.
4Uigarneᴋarpalle ᴋitorngalingmik erngutalingmiglônêt, taimaitut ᴋitorngangit ilinniarᴋârlît Gûdib idluarijanganut angajoᴋauniarlutik ilamingnut, akkiniarlutiglo angajoᴋâmingnik; tamanna ajungimat ᴋuviagijauvlunelo Gûdemut.
5Tâmnale uigarniovok idluartok, inutôgune, Gûdemik tattetuaᴋarune, sorairanelo ᴋenuvlune tuksiarlunelo uvlôtilugo unnuamelo.
6Uviniuble ᴋuviagijanganut inôjok inôvlune toᴋungavok.
7Tamattominga oᴋautiniakit, passijaksauᴋonagit.
8Naliatale illane, anginersamik iglomioᴋatine, patangaitingikunigit, tâpsoma okpernek misiarutigivâ, okpingitomillo ajuluarpok.
9Uigarnek anerijautailitilugo, jâreᴋangipat 60 nik, nuliangolauklune angutemut atautsemut;
10Piloriktoᴋutaungmijok ajungitulinermik, ᴋitornganik perorsailaurune, siniktarviogajuklune, ivsornaitut (okpertut) itiganginik ubvalauklune, ajoᴋsartuniglo pitsialauᴋlune, ajungitunik tamainik pinasualauklune.
11Uigarnerille inôsuktut allakit; ikligudlarunik Kristûse nâlegungnairlugo, uinigomavut;
12Erᴋartortaumavlutik, okpernek sivorlek serᴋominamitsuk.
13Taimaktauk erᴋeasukput, sungiutilerput iglut iterᴋattarlugit; erᴋeasutuinangilalle, ᴋaneᴋadlarivuttauk terliaᴋataivlutik, oᴋauteᴋarlarmiglo oᴋautigijaksaungitomik.
14Taimaimat uigarnerit inôsuktut uiniktârᴋovakka, ᴋitorngilutik, iglomingnik pairᴋsilutik, akkerartortok pitjuteᴋarᴋonago oᴋausiluklune.
15Ilangit kiglomorlutik, Sâtanasemut sâsimalerêrmatta.
16Okpertorle angullônêt arnarlônêt uigarneᴋuteᴋarune, tâmna patangaititaksarivâ, illagêt oᴋumaititauᴋonagit; taipkoa nalâgôrtomik uigarniojut nâmatuinartomik peᴋarᴋovlugit.
17Angajoᴋaunerôjut piniaraksamingnik idluartomik pijut magguertorlugit opigijaulît; piluarlugille oᴋausilerijut ajoᴋertûsilerijullo.
18Aglait imaingmatta: Ivjarusêjuksaungilatit tuktuvangmik (sulugainernik) tullertomik; imâglo: Sanajok akkilertaujariaᴋarpok. #Deut. 25:4; Luk. 10:7.
19Angajoᴋaunerôjomik passiklernek illaliortaililugo, kisiane maggûngnik pingasuniglônêt kigligiutsijoᴋarpat.
20Idluitulijut inertikit ilûnatik tussâtilugit, sivôralerᴋovlugittauk assingit.
21Gûdib, Nâlekablo Jêsusib Kristûsib Engelillo anerimajut takoane pivagit, nâleᴋovlutit tamakkoninga tamainik, issumangnik pinak, naliallônêt mânetuinak ilannârinersarinago assianit.
22Naliat aggangnut tuavidlutit patingmingniarnago; illangiubviginiarnagittauk assivît ajorningit. Nangminek ivsornaitsainarit.
23Imituinarmik imiksatuaᴋarungnairit, vainetuarsulerille aᴋearoit (sangêtok) pivlugo, ᴋanimaluᴋattalarpillo.
24Inuit ilangita ajorningit sivorngagut sakᴋijârput, erᴋartortaujungnarlutik; ilangille kingorngagut sakᴋeromârput.
25Taimâktauk ajungitulinerit ilangit sivorngagut nelonangilat; assingillo taimaingitut ijerartortaujungnanginivut.
Currently Selected:
I Timôteusemut 5: LIHB08
Highlight
Share
Copy
Want to have your highlights saved across all your devices? Sign up or sign in
Labrador Inuttitut Heritage Bible © Canadian Bible Society, 2008.