APAKUKI 3
3
Na Masu i Apakuki
1Oqo na masu i Apakuki na parofita:#3.1 Na kena i vakadewa vakaiperiu e semati tiko kina “a sere me vaka na Sikiononce,” ka sega ni matata vinaka na kena i balebale.
2I Jiova, au sa rogoca na nomuni cakacaka,
Ka'u sa vakasinaiti ena rere kei na qoroqoro.
Ni vakayacora tale mada ena neimami gauna
Na cakacaka cecere o ni a dau cakava e liu.
Ena nomuni cudru, mo ni yalololoma ga.
3Sa lako tale mai Itomi na Kalou;
O koya na Yalosavasava mai Ulu i Perana.
Sa ubia na lomalagi na nona i serau;
Sa sinai o vuravura ena vakacaucautaki koya.
4Sa muri koya mai na rarama ni tibi ni liva;
Sa tatalivaliva mai na ligana na rarama,
E kea sa vuni tu kina na nona kaukauwa.
5Sa vakatala yani me liu vua na mate veitauvi
Ka sa vakaroti mate me muri tiko mai.
6Ni sa tu vakadua, sa yavavala o vuravura;
Ni sa rai yani, sa sautaninini na veivanua.
Era sa karusa na veiulunivanua tawa mudu;
Sa dromu sobu na veidelana makawa,
O ya na veidelana sa daulako voli kina e liu.
7Au sa raici ira na kai Kusani ni ra sa rere;
Ka ra sa sautaninini na kai Mitiani.
8I Jiova, e vu li mai na veiuciwai na nomuni cudru?
E vu li mai na wasawasa na nomuni lomakatakata?
O ni a vodo voli ena dela ni veio;
A sa nomuni qiqinivalu na o loaloa ni cagi ca,
Ka kauta mai na qaqa vei ira na nomuni tamata.
9O ni sa vakarautaka oti tu na nomuni dakaititi,
Ka vakarau vanataka yani na kena gasau.
Sa kavida o vuravura mai na nomuni yaseyase.
10Ni rai yani na veiulunivanua, sa sautaninini;
Sa tau mai lomalagi na uca bi.
E vadugu na wai ena ruku i vuravura,
Ka rewa-i-cake na kena veibiau.
11Ena cawi ni nomuni gasau ni dakaititi,
Kei na tatibi ni nomuni moto taliva,
Sa tu vakadua kina na siga kei na vula.
12O ni a lako voli yani i vuravura ena cudru,
Ka butuqaqia na veivanua ena yalokatakata.
13O ni sa lako yani me vakabulai ira na nomuni,
Ka vakabulai koya na tui o ni sa digitaka.
O ni sa mokuta na nodra i liuliu na tamata ca
Ka vakarusai ira vakadua na nona i lawalawa.
14Na nomuni gasau sa laubasikata na nona komada
Ni sa lako mai vaka na covulaca me cemuri keimami,
A sa reki voli me vakataki ira
Sa dauvakasosataki ira lo na dravudravua.
15O ni a buturaka na wasawasa,
Oi kemuni kei ira na nomuni ose,
Ka sa vusovusoa na wasawasa kaukauwa.
16Au a rogoca, ka'u sa na taqaya;
Sa yavavala na tebenigusuqu ena rere.
Sa damele na yagoqu,
Ka mani tarabe na yavaqu.
Au na waraka galugalu ga na kena gauna
Me na cudruvi ira kina sa totogitaki au ko Jiova.
17E dina ga ni sega tu na vuadra na veilolo,
Ka sega ni vua mai na veivaini;
E dina ga ni sa yali na vua ni olive,
Ka sega ni tubu na kakana ena i teitei;
E dina ga ni sa mate kecega na sipi,
Ka sa lala tu na ba ni bulumakau;
18Ia ka'u na rekitaki Jiova ga,
Ka'u na marautaka na Kalou,
O koya na noqu i vakabula.
19 #
2Samu 22.34; Same 18.33 Sa vu ni noqu kaukauwa ko Jiova.
Sa vakayacora me'u yava totolo me vaka na dia,
Ka taqomaki au voli ena veiulunivanua.
Currently Selected:
APAKUKI 3: FNV
Highlight
Share
Copy
Want to have your highlights saved across all your devices? Sign up or sign in
Fijian New Version Bible, Revised Edition © Bible Society of the South Pacific, 2017, 2021.