2 CESALONAIKA Na i Vakamacala Taumada
Na i Vakamacala Taumada
Na veilecayaki me baleta na namaki ni lesu mai nei Karisito sa vakavuna na kena toso tikoga na tiko yavavala mai Cesalonaika. Na i Karua ni Vola i Paula vei Ira Mai Cesalonaika e goleva na kena vakadodonutaki na vakabauta ka tukuni kina ni sa yaco oti mai na siga ni nona lesu tale mai na Turaga. A vakadodonutaka o Paula na vakasama oqo, ka sa dusia kina ni gauna e se bera ni lesu mai na Karisito, ena liu tamada mai na kena tubu cake vakalevu sara na ca kei na veika dukadukali ka vu mai na veiliutaki ni dua na tamata vuni sa vakatokai “na daucaka ca” (2.3), ka sa veisaqasaqa kei Karisito.
A sa vakabibitaka na i apositolo ni yaga vei ira mai Cesalonaika me ra tudei ga ena nodra vakabauta ka veitalia ga na leqa kei na veika rarawa era sotava tiko, me ra vakasaqaqara cakacaka me rawati kina na veika me ra bula rawa kina ena veisiga me vakataki Paula kei ira era sa veiqaravi vata; ka me ra vosota tikoga na caka vinaka.
Na Lewe ni Vola
Na i vakamacala taumada 1.1-2
Na veivakacaucautaki kei na caka vinaka 1.3-12
Vakasala eso me baleta na lesu mai nei Karisito 2.1-17
Vakamamasu me baleta na i tovo Vakarisito 3.1-16
Na kena i tinitini 3.17-18
Currently Selected:
2 CESALONAIKA Na i Vakamacala Taumada: FNV
Highlight
Share
Copy
Want to have your highlights saved across all your devices? Sign up or sign in
Fijian New Version Bible, Revised Edition © Bible Society of the South Pacific, 2017, 2021.