2 Timoci Na i Vakamacala Taumada
Na i Vakamacala Taumada
Na i Karua ni Vola i Paula vei Timoci e volai vakalevu koto kina na veivakasala eso me baleti Timoci, me vaka ni o koya e dua na i tokani gone sara ka i vukevuke i Paula ena veiqaravi vakalotu. Na ulutaga e vakabibitaki vakalevu kina na vosota vakadede. A sa vakasalataki ka vakayaloqaqataki o Timoci me vakayacora ena yalodina na nona vakadinadinataki Jisu Karisito, ka me taura matua na i vakavuvuli dina ni Tukutuku Vinaka kei na Veiyalayalati Makawa ni Vola Tabu. Sa vakasalataka talega me vakayacora na nona i tavi me vaka na qasenivuli kei na dauveivakalotutaki, ia me yalodina ga ena kena vakayacori oqo ena maliwa ni veika rarawa kei na nona saqati.
Sa vakasalataki vakabibi o Timoci me baleta na leqa ena yacovi koya kevaka e vakaitavi ena “veileti lialia ka tawayaga” (2.23) sa sega ni vakatubura e dua na ka vinaka, ia sa veivakaleqai ga vei ira era sa rogoca.
Ena ka kece oqo, a sa vakananumi tale kina o Timoci ena i vakarau ni bula nei koya sa vola na i vola oqo vata kei na nona i naki — na nona vakabauta, yalo vosota, dauloloma, vosota vakadede, kei na rarawa e dausotava ena gauna ni veivakacacani vakalotu.
Na Lewe ni Vola
Na i vakamacala taumada 1.1-2
Na veivakacaucautaki kei na veivakamasuti 1.3–2.13
Na veituberi kei na vakasala 2.14–4.5
Na i tuvaki ni veika e yacovi Paula 4.6-18
Na kena i tinitini 4.19-22
Currently Selected:
2 Timoci Na i Vakamacala Taumada: FNVDC12
Highlight
Share
Copy
Want to have your highlights saved across all your devices? Sign up or sign in
Fijian New Version including Deuterocanonical Books © Bible Society of the South Pacific, 2012.