2 Timoci 4
4
1Ena mata ni Kalou kei Jisu Karisito, o koya ena veilewaitaki ira na bula kei ira na mate ena nona rairai mai kei na nona matanitu, au sa vakarota kina oqo vei iko 2mo vunautaka na vosa ni Kalou ka gumatua sara ena gauna kecega, ena gauna vinaka kei na gauna ca. Vakaraitaka na ka e cala, vakadodonutaki ira na cala, vakayaloqaqataki ira me ra cakava na ka e dodonu ka veivakavulici ena yalo sa vosota vakadede sara. 3Ena yaco mai na gauna era na bese kina na tamata ni rogoca na i vakavuvuli vinaka, ia era sa na muria ga na nodra dui gagadre ka ra na vakasokumuni ira vata mai na dauniveivakavulici tale eso me ra rogoca mai vei ira na veika ga era via rogoca. 4Era na sogota na daligadra ki na i vakavuvuli dina, ka goleva na veitukutuku wale. 5Ia o iko, mo qai vakatulewataka vakayalomatua sara na nomu bula ena veidraki ni bula kecega, ka vosota na veika dredre. Mo vakayacora na cakacaka ni dauveivakalotutaki ka qarava vinaka sara na nomu i tavi me vaka na dauveiqaravi ni Kalou.
Na i Votavota i Paula ena Gauna mai Muri
6Ia oi au, sa voleka oqo na gauna me'u liviraki kina ena i cabocabonisoro; au sa yacova oqo na gauna me'u sa biuta vakadua kina na bula oqo. 7Au sa solia kece na noqu i gu ena vuku ni veisisivi, au sa vakaotia vinaka na balavu ni vanua me cicivi, ka'u sa taura matua na vakabauta. 8Ia oqo, sa waraki au ga na i cocovi ni qaqa, na i sala vakaturaga ni valavala dodonu, o koya ena solia vei au na Turaga ka turaganilewa dodonu ena siga o ya — ka segai walega ni oi au duadua ga, vei ira kece talega era sa namaka na nona rairai tale mai.
Eso na i Tukutuku vei Timoci
9Gumatua mo lesu totolo mai vei au, 10#Kolo 4.14; Fmoni 24; 2Kori 8.23; Kala 2.3; Taito 1.4ni sa biuti au o Timasa ena vuku ni nona sa taleitaka vakalevu na vuravura oqo, ka sa lako yani ki Cesalonaika. O Kirisiki sa lako i Kalatia, ka sa lako i Talimetia o Taito. 11#Kolo 4.14; Fmoni 24; Caka 12.12,25; 13.13; 15.37-39; Kolo 4.10; Fmoni 24Sa qai tiko taudua voli ga kei au o Luke. Kauti Marika mo drau lako vata mai vei au. 12#Caka 20.4; Efe 6.21,22; Kolo 4.7,8Au sa talai Tikiko ki Efeso. 13#Caka 20.6Ni o sa lako mai, mo qai kauta tiko mai na noqu kote ka'u a biuta tu yani vei Karipo mai Tiroa. Mo kauti ira talega mai na i vola, ka vakauasivi na kena era volai tu ena kuli-ni-manumanu.
14 #
1Timo 1.20;
Same 62.12; Roma 2.6 Sa vakayacora vei au e vuqa sara na ka ca o Alekisada, o koya na matai ni kaukamea. Me na sauma ga vua na Turaga na ka sa cakava. 15Mo qarauni iko vinaka mai vua, baleta ni sa saqata sara vakaukauwa o koya na neitou i tukutuku.
16Ena i matai ni noqu veilewai, a sega sara ni dua e bau tokoni au; ia era sa laivi au kecega. Me ra kua sara ni qai beitaki kina o ira ena dua na ka! 17Ia sa tu ga e yasaqu na Turaga ka sa vakaukauwataki au, me'u vunautaka rawa kina na i tukutuku vinaka vei ira kece na kai matanitu tani me ra rogoca; ka sa sega kina ni tau vei au na i totogi mate. 18Ena vakabulai au tikoga na Turaga mai na veika ca kecega, ka maroroya na noqu bula ena vuku ni nona matanitu vakalomalagi. Me ia vua na vakarokoroko ka sega ni mudu. Emeni.
Na i Otioti ni Vakanuinui Vinaka
19 #
Caka 18.2;
2Timo 1.16,17 Au sa loloma yani vei Virisila kei Akuila, ka vakakina ki na vuvale i Onisivoro. 20#Caka 19.22; Roma 16.23; Caka 20.4; 21.29Sa tikoga mai Korinica o Erasito, ka'u sa biuti Tirofimo tu yani mai Milito, ni sa tauvimate. 21Tovolea vakaukauwa mo lako mai ni se bera na vula i liliwa. E ratou sa loloma tu yani o Ufolo, kei Putena, kei Laino, kei Kilotia, kei ira kecega na veiwekani.
22Me tiko vata kei iko na Turaga.
Me sobuti kemudou na yalololoma ni Kalou.
Currently Selected:
2 Timoci 4: FNVDC12
Highlight
Share
Copy
Want to have your highlights saved across all your devices? Sign up or sign in
Fijian New Version including Deuterocanonical Books © Bible Society of the South Pacific, 2012.