2 Timateo 2
2
Lishwalale wamuvwa wa Kilistu Yesu
1Ngeci mwove munange, kolesa mu kutetela kuje kuli muli Kilistu Yesu. 2Tambula vilongesa vije wazivile kuli yange omo njambulwile ku mesho a vakaleo vavangi, co vikundike ku vanu vavavwa, vaje vasa kulongesa vakwavo veka lalo.
3Ngecivene, kakateya mu n̄avava, ngwe lishwalale wamuvwa wa Kilistu Yesu. 4Lishwalale naumo wai asa kulinga nevi nevi mu vipangi vyendi vya vushwalale, omwo viyongola vyendi vinapu kushaka kuvwaelelesa uje ntwama yendi. 5Muka-kushatuka kasa kutambula vwana kuvanga ononoke mashiko. 6Na ndimi lalo uje naundangana manene mu vipangi napande kuteja vimbuto vyavivwa vyakulivanga 7Yongola a vyuma evi njilinakwendeka, omwo Mwene akakwana kuzivisisa kwa vyuma vyoshe.
8Anuka vya Yesu Kilistu, uje ivasangwile ku vatsi, uje wapwile mutekulwila wa Ndaviti, ngwe muvanalongesa mu Vin̄anda Vyavivwa vije njilinakwambulula. 9Omwo njilinakwambulula Vin̄anda Vyavivwa, njilinakuyanda nakunjikuta mu malyenge ngwe nji lipwepwe. Oloni lijwi lya Njambi kuvalyakele mu malyenge. 10Ngecivene, njilinakuyanda mu vyuma vyoshe omwo ali vanu va Njambi vakwangula, ngeci na vakevo lalo vatambule kwovoka kwa muli Kilistu Yesu amo na vumpau vuje vwa myaka yoshe. 11Evi vikevyo vyendeka vya vushunga,
“Nga tunatsi amo nendi,
co tukayoya lalo amo nendi.
12 #
Mat 10:33; Luk 12:9 Nga tutwalao na lukakateya,
co tukashwana lalo amo nendi.
Nga tumuvyana,
co na ikeye lalo akatuvyana.
13Nga kutupu va kulongwa,
Ikeye anga wapwa wa kulongwa,
omwo kasa kulivyana ikeye vavenya.”
Muka-vipangi wamuvwa
14Anukisa vanu vove a vyuma evi, vendekele nakuvanangula ku mesho a Njambi ngeci kesi valilwise a majwi. Kucikwasa, oloni civiisa lika vanu vaje vazivilila. 15Panga mwamuvwa ngeci utambule vukaleo vwavuvwa ku mesho a Njambi, ngwe muka-vipangi uje kesi na shwamwa ku vipangi vyendi, uje akalongesa mwamuvwa lijwi lya vushunga lya Njambi. 16Linyunge ku vimata vyakushaula, na vyendeka vya vulema, vije vitwala lika vanu kulyala na Njambi. 17Vilongesa vya cifwa eci vinapu ngwe mbandu ya mukongo ije inyongesa situ. Valongisi vavali vaje vanalongesa vyuma evi vanapu Haimenease na Filetase. 18Vanaseza ngila ya vushunga, co valinakutanganesa kukulaela kwa vamo akwendeka ngwavo kusanguka kwetu ku vatsi cineti laja. 19#Kul 16:5 Oloni luvula lwakukola luje lwanajala laja Njambi kuvasa kuluningangesa, co alukelwo vanasonekao majwi awa ngwavo, “Mwene azivuka vaje vanapu vendi” co “Voshe vaje valitumbula ngwavo vanakundama kuli Mwene vanapande kutenguluka kutunda kukulinga vyavivi.”
20Mu njuvo yakama mwakala vimbasiya na malonga a miyati yoshe, vimo vavipanga na siliva na ngolinde, vikwavo na viti na vuma, vimo vyakupangesa ku vutumbe vwavuvwa, vikwavo vyakupangesa a simbu yoshe-iyoshe. 21Voshe vaje valijelesa vakevo vavenya ku vyuma vyoshe vije vyavivi, vakavapangesa ku vutumbe vwavuvwa, omwo vanalikundika kuli Shukulu yavo kuvapangesa, co vanalivwaesela cimweja kuvapangesa ku vipangi vyavivwa. 22Tewa ku mashungu a vukwenje, pangela lika vushunga nakukulaela na cizemo na kwoloka, amolika na vaje vatambeka kuli mwene na vimbunge vyakujela. 23Oloni litenge ku vimata vya vulema na vunzimba, wazivuka ngwove kukotoka kwavyo kunapu vimata lika. 24Ngwe ngamba ya Mwene, kuwapandele kupwa muka-vimata. Unapande kupwa muka-ngozi kuli voshe, mulongisi wamuvwa wa lukakateya, 25walyovwa-ovwa omo ashungamesa vaka-kumulwisa, amo Njambi akavana simbu yakutenguluka ngeci vazivuke vushunga. 26Co asinoni vakatenguluka ku mana avo ngeci vatewe ku mweto wa Liyavola, uje navakwata nakuvapwisa vaka-kwononoka cizango cendi.
Currently Selected:
2 Timateo 2: MBB
Highlight
Share
Copy
Want to have your highlights saved across all your devices? Sign up or sign in
The Bible in Mbunda ©The Bible Society of Zambia, 2006