2 Vimyene Cizivukiso
Cizivukiso
Livulu Lyamucivali lya Vimyene lilinakutwalao na vin̄anda vya vumwene vuvali vwa vaIsalele, vin̄anda vije vyasikisila mu livulu Lyakulivanga lya Vimyene. Livulu eli vasa kulyangununa mu mitambela ivali. (1) Vin̄anda vya vumwene vuvali kutunda mukati ka myaka 9,000 BC (Omo Simbu kanda Yesu Asemuke) nakweta kukuwa kwa Samaliya na ku shongo ya vumwene vwa ku kunto mu 722 BC. (2) Vin̄anda vya vumwene vwa Yunda kutunda akuwa kwa vumwene vwa Isalele nakweta kukufungulula nakunyonga kwa Yelusalema kuli Mwene Nevukaneza wa ku Mbambilone mu 586 BC. Livulu lihwa na vin̄anda vya Ngendaliya nguvulu wa mu Yunda uje wakele mwisi ya vaMbambilone na vin̄anda vyakutundisa Mwene Yehoyakine wa mu Yunda mu kamenga mu Mbambilone.
N̄avava ya mu lifuti yakeleko omwo akujeneka kulongwa kwa vimyene na vanu va mu Isalele na mu Yunda. Kunyonga kwa Yelusalema na vunzinda vwa vanu vavangi va mu Yunda kwapwile cuma cakama cakutenguluka kwa vin̄anda vya Isalele.
Muka-kwimanena uje ali mu livulu Lyamucivali lya Vimyene ikeye Elisha uje wengile muli Elinja.
Kulumbununa vyuma vili mu livulu
Kulyangunuka kwa vumwene 1:1–17:41
a. Elisha muka-kwimanena 1:1–8:15
b. Vimyene va mu Yunda na mu Isalele 8:16–17:4
c. Kuwa kwa Samaliya 17:5-41
Vumwene vwa Yunda 18:1–25:30
a. Kutunda kuli Hezekiya nakweta kuli Yosiya 18:1–21:26
b. Kushwana kwa Yosiya 22:1–23:30
c. Vimyene va mamaneselelo va mu Yunda 23:31–24:20
d. Kuwa kwa Yelusalema 25:1-30
Currently Selected:
2 Vimyene Cizivukiso: MBB
Highlight
Share
Copy
Want to have your highlights saved across all your devices? Sign up or sign in
The Bible in Mbunda ©The Bible Society of Zambia, 2006