Tobit 2
2
1Taem#Eksodas 23:16. mi kasembaek long hom, mi stap tugeta moa wetem waef blong mi Ana, an san blong mi Tobias. Long Bikde blong Sevenfala Wik mi sidaon wetem famili blong mi fo mifala kaikaim evri naes kaikai wea olketa redim. 2Taem mi lukim plande deferen kaen kaikai nao hemi stap antap long tebol, mi tok olsem long Tobias, ?San, yu go faendem kam wanfala long olketa pua wantok blong yumi hu hemi stap nomoa long hia. Faendem kam eniwan hu hemi tinghevi long God an falom strongfala toktok blong hem. Tekem hem kam wetem yu, mekem hemi kaikai wetem yumi long disfala Bikde. Bae mi no kaikai go-go yu kambaek.?
Wanfala man olketa kilim dae long Nineve
3So Tobias hem go nao fo faendem diskaen man wea dadi blong hem hemi talem. Bat no longtaem nomoa, hemi ran kambaek nao an hemi singaot olsem, ?!Dadi! !Dadi!? An dadi blong hem hemi ask olsem, ??Wanem?? Tobias hemi ansa olsem, ?!Wanfala long olketa pipol blong yumi, olketa jes kilim hem dae! Olketa skuisim nek blong hem, an torowem nomoa long maket ples.? 4Semtaem nomoa, mi stanap from tebol blong kaikai, an mi goaot nao. Mi tekem ded bodi ya, an mi putum insaet long wanfala smolfala haos, wea hemi stap go-go kasem ivining bifoa mi jes berem. 5Bihaen,#Nambas 19:11-13. mi kambaek long haos, an mi wasim han blong mi mekem mi klin long ae blong God. Den mi sidaon fo kaikai bat mi barava sore fogud. 6Long#Emos 8:10. datfala taem, mi tingim toktok blong Profet Emos fo olketa pipol long Betel, wea hemi olsem, ?Olketa taem blong yufala fo hapi bae hemi tane go long taem blong yufala fo dae. An olketa hapi singsing blong yufala bae hemi kamap sore an krae.? Nao mi stat fo krae. 7Taem hemi stat fo tudak, mi goaot nao fo digim grev an berem man ya. 8Olketa neiba blong mi i laf long mi, an tok olsem, ??Waswe nao yu gohed moa fo berem olketa man dae? ?Yu nating tingim nomoa wea lastaem olketa bin aftarem yu fo diswan tu? Sapos yu no ranawe, ating yu dae finis nao.?
Tobit hemi blaen
9Long datfala naet, mi suim mekem mi barava klin long ae blong God. Bihaen mi jes goaot fo slip saet long wol long open ples aotsaet long haos blong mi. Bikos datfala naet hemi hot, mi no kava kam kasem hed blong mi. 10Mi nating save nomoa dat samfala smolfala bed i stap antap long wol stret long hed blong mi. Olketa siti an hemi foldaon kam an go insaet long ae blong mi. An disfala waet samting ya hemi satem tufala ae blong mi nao. Bihaen, mi go long olketa dokta, bat evritaem olketa duim waka long mi, tufala ae blong mi jes nogud go moa, go-go mi nating save lukluk nao. Fofala yia nao mi nating save lukluk, an olketa wantok blong mi i barava sore long mi. Ahika nao hemi sapotem mi fo tufala yia bifoa hemi jes go long kantri long Elam.
Raoa insaet long famili
11Bihaen Ahika hemi go, waef blong mi Ana, hemi go an waka long ples wea olketa wakem kaleko olsem plande woman moa save duim. 12Olketa pipol hu hemi waka fo olketa, save peim hem taem hemi salem kaleko wea hemi wakem finis. Wanfala de hemi tekem go kaleko wea hemi wakem finis fo olketa hu i odam kam. Olketa peim ful praes long kaleko ya an givim tu wanfala smolfala nanigot olsem wanfala presen. 13Taem Ana hemi kasembaek long haos wetem smol nanigot ya, disfala nanigot hemi stat fo krae nao. An taem mi herem, mi singaot go olsem long Ana, ??Wea nao yu tekem disfala animol ya? ?Waswe, yu bin stilim kam ya? Yu tekem gobaek stret nao long ona blong hem. Hemi no stret fo kaikaim wanem man hemi stilim.? 14Bat Ana hemi ansa olsem, ?!Nomoa ya! Olketa pipol hu i baem kaleko wea olketa odam kam long mi nao, i givim kam disfala nanigot wetem seleni fo kaleko ya. An olketa hu mi waka fo olketa nao i givim kam nanigot long mi olsem presen.? Bat mi nating bilivim toktok blong Ana, an mi barava sem tumas long wanem hemi duim. Nao Ana hemi tok olsem, ?!Distaem mi jes savegud watkaen man nao yu! ?Wea nao tinghevi blong yu fo helpem olketa narafala pipol? ?Waswe, yu no tingim nomoa evri gud samting wea yu bin du-duim kam??
Currently Selected:
Tobit 2: SIDC
Highlight
Share
Copy
Want to have your highlights saved across all your devices? Sign up or sign in
Pijin Catholic Bible © Bible Society of the South Pacific, 2008.