ESAYA 64
64
1O! Loko ngi u handzula matilo, u xika, tintshava a ti ta tsekatseka emahlweni ka wena, 2ku fana ni ku pfurha ka ndzilo wa tihunyi leti omeke, hilaha ndzilo wu virisaka mati; valala va wena va ta tiva vito ra wena, matiko ma ta rhurhumela emahlweni ka wena. 3[Loko u endlile masingita lawa hi nga ma langutelangiki, u xikile, kutani tintshava ti tsekatseka emahlweni ka wena.] 4A ku nga si twiwa, a ku nga si yingisiwa ni siku ni rin'we, a ku nga si voniwa, ni siku ni rin'we, Xikwembu xin'wana ehandle ka wena lexi tirhaka ku pfuna lava xi langutelaka. 5U tile ku hlanganisa loyi a endlaka hi ku tsaka leswi lulameke, ni lava ku tsundzukaka, va ri karhi va famba emitileni ya wena. Waswivo, u karihile, hikuva hi ku dyoherile a swi ri tano ni khale, hi ta pona xana? 6A hi fana hinkwerhu ni munhu la nyamisiweke, kutani ku lulama ka hina hinkwako a ku fana ni nguvu leyi nyamisiweke; a hi vunile hinkwerhu tanihi tluka, kutani swidyoho swa hina swi hi hundzisa tanihi mheho. 7A ku nga ri na munhu la khongelaka hi vito ra wena, la pfukaka a namarhela eka wena; hikuva u hi fihlele mombo wa wena, kutani u hi tshika hi fa eku dyoheni ka hina.
8Kambe sweswi, o Yehovha, u tata wa hina; hina hi vumba, wena u loyi a hi vumbeke, hinkwerhu hi ntirho wa mavoko ya wena. 9U nga tshuki u hlundzuka ku tlurisa, o Yehovha, u nga tshuki u tsundzuka hi masiku ku dyoha. Vona, pfumela ku languta, hikuva hinkwerhu hi tiko ra wena! 10Miti ya wena leyi hlawulekeke yi hundzukile mananga; Siyoni u hundzukile mananga, Yerusalema, i rhumbi. 11Yindlu ya hina leyi hlawulekeke, leyo kwetsima, leyi vatata wa hina va ku dzuniseke eka yona, yi herisiwile hi ndzilo, kutani hinkwaswo leswi ngi hi swi tsakerile swi onhiwile. 12Endzhaku ka sweswo hinkwaswo, u ta tikhoma xana, o Yehovha? U ta miyela-ke, u hi vavisa ku tlurisa xana?
Currently Selected:
ESAYA 64: TSO29
Highlight
Share
Copy
Want to have your highlights saved across all your devices? Sign up or sign in
Bible in Xitsonga 1929/2012 © Bible Society of South Africa 2012. Digital Version © Bible Society of South Africa 2012. All rights reserved. www.biblesa.co.za.