Fa‘ata‘oto 2
2
O le Aogā o le Poto
1Lo‘u atali‘i e,
‘āfai ‘e te talia a‘u ‘upu ma e teu i lou loto a‘u poloa‘iga,
2e ua‘i atu ai ou taliga i le poto,
e fa‘asaga atu ai lou loto i le fa‘autauta.
3‘Āfai lava ‘e te vala‘au atu i le atamai ma e leo tele atu i le fa‘autauta;
4‘āfai ‘e te sā‘ili‘ili ‘iā te ia, e pei ‘ona sā‘ili‘ili i le ario;
‘āfai ‘e te su‘esu‘e i ai, pei ‘ona su‘esu‘e i le ‘oloa lilo;
5‘ona e lagona ai lea o le mata‘u i le ALI‘I
ma e maua ai le poto i le Atua.
6Auā o le ALI‘I na te foa‘i mai le poto mai lona fofoga le poto ma le fa‘autauta;#Iopu 32.8
7na te teua le poto mo e amio sa‘o;
o le talitā o ia i ē ‘ua tonu lo latou savali,
8‘ina ‘ia leoleo i ala o le amiotonu;
e tausi fo‘i e ia le ala o ona tagata amio Atua.#1 Samu 2.9
9‘Ona e lagona ai lea o le amiotonu ma le fa‘amasinoga
ma le amio sa‘o, o ala lelei uma lava.
10A o‘o le poto i lou loto ma ‘ua mālie ‘iā te oe le atamai;
11e fa‘afeao le mafaufau ‘iā te oe;
e leoleo ‘iā te oe le fa‘autauta;#Fa‘ata 6.22
12‘ina ‘ia lavea‘i ‘iā te oe a‘i le ala leaga;
a‘i le tagata ‘ua tautala i mea fa‘api‘opi‘o.
13O ē tu‘ua ala tonu, ‘ae ui atu i ala pogisā;#Sala 82.5; Ioane 3.19
14o ē fiafia e fai mea leaga;
‘ua latou ‘oli‘oli i le fa‘api‘opi‘o e leaga;
15o ē fa‘api‘opi‘o i o latou ala ma vaogatatā ‘iā latou amio.#Sala 125.5
16E lavea‘i ‘iā te oe a‘i le fafine ‘ese,
o le fafine ‘ese na te fa‘a‘ole‘ole i ana ‘upu.
17O lē na te tu‘ua lē na tausi ‘iā te ia a o teine muli;
‘ua galo fo‘i ‘iā te ia le feagaiga a lona Atua.#Kene 2.24; Mala 2.14-15
18Auā e taunu‘u atu lona fale i le oti ma ona ala i agaga o ē ‘ua oti;
19o i latou uma o ē ō atu ‘iā te ia, e lē fo‘i mai i latou;
latou te lē maua ala o le ola.
20‘Ina ‘ia e savali i le ala o ē lelei ma e tausiusi i ala o ē amiotonu.
21Auā o ē amio sa‘o, latou te mau i le nu‘u;
ma ē ‘ua sao a latou amio, e fa‘atotoeina ai i latou;#Sala 37.9
22‘ae vavae‘eseina o ē amio leaga ai le lau‘ele‘ele,
e lia‘iina ai fo‘i o ē amio pepelo.#Sala 37.38; 52.5
Currently Selected:
Fa‘ata‘oto 2: RSCB
Highlight
Share
Copy
Want to have your highlights saved across all your devices? Sign up or sign in
Revised Samoan Catholic Bible © Bible Society of the South Pacific, 2010.