1 Timoteo 2
2
O Amioga e Tatau Ai
1O lenei, e muamua i mea uma ‘ou te apoapoa‘i atu ‘ia faia ōlega, ma tatalo, ma fa‘atoga, ma fa‘afetai mo tagata uma lava;#Fili 4.6 2mo tupu ma i latou uma ‘ua i ai le pule, ‘ina ‘ia tatou nonofo ma le lē atuatuvale ma le filemū, i le amio Atua uma lava ma le amio matagofie. 3Auā o le mea lelei lea ma le mālie i luma o le Atua lo tatou Fa‘aola, 4o lē finagalo ‘ina ‘ia fa‘aolaina o tagata uma lava, ma ‘ia o‘o ‘ina iloa lelei le ‘upu moni.#Eseki 18.23; 2 Pete 3.9 5Auā e to‘atasi le Atua, e to‘atasi fo‘i le puluvaga i le Atua ma tagata, o le tagata o Keriso Iesu lea.#Roma 3.29-30; Epe 12.24 6O lē na foa‘ifuaina o ia e ia e fai ma togiola mo tagata uma lava, o le molimau i ona lava po e tatau ai.#Kala 1.4; 2.20; Tito 2.14 7Na tofia a‘u mo lenei mea, o lē tala‘i ma le ‘aposetolo, (o le ‘upu moni ‘ou te fai atu ai#2.7 O nisi fa‘aliliuga e fa‘aopoopo i ai ‘iā Keriso.‘ou te lē tala pepelo,) o le a‘oa‘o o nu‘u ‘ese i le fa‘atuatua ma le ‘upu moni.
8O lenei, o lo‘u mana‘o ‘ia tatalo o tane i mea uma lava, o lo‘o sisi‘i i luga o lima lē agasala, ma ‘ia lē ita, ma ‘ia lē femisa‘i. 9‘Ia fa‘apea fo‘i fafine, ‘ia latou teuteu ‘iā i latou i ‘ofu e onomea, ma ‘ia lē teuanoa‘i, a ‘ia fa‘amatuāfafine ‘aua ne‘i teteu ma le lauulu fili, po o auro, po o penina, po o ‘ofu tau tele.#1 Pete 3.3-5 10A o galuega lelei, o le mea lea e tatau i fafine ‘ua ta‘ua latou e i latou o ē amio Atua. 11‘Ia a‘oa‘oina le fafine, a ‘ia lē tautala o ia, ma ‘ia usiusita‘i lava.#Efe 5.22 12Auā ‘ou te lē tu‘uina atu i se fafine ‘ia a‘oa‘o atu, pe pule i le tane, a ‘ia nofo fa‘alologo lava.#1 Kori 14.34; Kene 3.16 13Auā ‘ua muamua ‘ona faia o Atamu, ‘ae mulimuli Eva.#Kene 1.27; 2.7, 22; 1 Kori 11.8-9 14E le‘i ‘olegia fo‘i Atamu, a ‘ua ‘olegia le fafine, ‘ona solitulafono lea o ia;#Kene 3.6; 2 Kori 11.3 15‘ae fa‘aolaina ia i le fānauga#2.15 e fa‘aolaina ia i le fānauga: po o e fa‘aolaina i latou i le fānauga. o tama, pe ‘āfai e tumau pea o ia i le fa‘atuatua, ma le alofa, ma le amio lelei, ‘atoa ma le fa‘amatuāfafine.
Currently Selected:
1 Timoteo 2: RSCB
Highlight
Share
Copy
Want to have your highlights saved across all your devices? Sign up or sign in
Revised Samoan Catholic Bible © Bible Society of the South Pacific, 2010.