ROMANI NA KIHA 6
6
Na kere gete
1Igo na tohona,
maharamu iamu ki râ i he?
Visia me, i he kani râ igê
maharamu iamu,
hanana mi tamanigo ka garia.
Na gete
2Baharana iaku,
ki râ i mu iana,
ga akê igê na apinige ga sigini koro,
hanana i hagangêra na togoha iana
ma ki tataku na mahe bâkoro.
3Baharana iaku kani iaku
ma inê kani iana.
Ngaia ki hagangêra na togoha iana
i berarogani na mahe bâkoro.
Na rimata na vivita
Na mane
4Baharana iaku go bâkoro ngavê
manga na hinua i Tirisa,
manga na hinua i Jerusaleme.
Go hagagasuga mangagi na higu
i bara i vavearo.
5Manga go boreteniê,
na maamu karu hagarugu obaku.
Na varehumu ki kavokavo
manga na totoha ni goti
ga tari rekereke bê rere
igê na hungani i Gileata.
6Na rivomu ka siki ahuru
mangara na togoha ni sipi,
ga kahu manuhira.
Ngaigi hato ki tonga,
mareha tani vige asiba râ.
7Na parimu karu merameraga
hura igê na gahu maraherahe.
8Henaka na maneraha ki nahunira
kaniana tangahuru ge ono
ma na gete râ ma iana
tangahuru ge varu
ma na bera na kere gete.
9Ma inê, inê kê takuia
na ani gi tage togo ma.
I mareha rârâ tani,
vige maratorana na kuvê iaku
gê takuia ngavê.
Ngaia nga na ani
i tâ i mangatana kenana.
Ma i maana kenana
ngaia ki bâkoro ngavê
teharira na ani mavê getera.
Na kere gete hato ga bâsia
ka visia vi babarisi.
Na gete iana na maneraha
ma na gete râ ma iana
ka hagarahasia ngavê.
10Matena i rêra me,
ngaia i manga na arito i raboa.
Ngaia ki bâkoro ngavê manga na hageha
ma ki mave manga na arito i ramo
ma ki hagagasuga mangagi na higu
i bara i vavearo.
11Inê kê rere so
tanga na mu iaku igê na maruguna,
hanana vigê bâsigi
manga vi na angari ka hisihisi
ma na vaini ka papêhu
ma na gahiga ka takataka.
12Inê kê gahasigo
manga na mane ni me igê na kati iana
i gahasia na hearihatana.
Na kere gete
13Kere gete ni Suleme,
gu mâ, gu mâ,
kami bâsigo go mâmâ.
Na gete
I hega, kani mu obania
vigamu bâsiê gê mâmâ
i guputa na enoni ga borebore.
Currently Selected:
ROMANI NA KIHA 6: KCB
Highlight
Share
Copy
Want to have your highlights saved across all your devices? Sign up or sign in
© 2011 Bible Society of the South Pacific