ROMANI NA KIHA 3
3
1I na ara ni bungiani,
matena gê mauru,
inê kê marute, vigê garia
barokona iaku
ma kê gari makira renia.
2Inê kê gari rârâ i hinua raha
surigi na tara ma na mahera igê.
Inê kê bâbâ renia baharana iaku
ma kê gari makira.
3Na mane ga arârâ pusia na hinua
ka tarahuê ma inê kê hagatera, kê vi:
‘Mu tarahua vari baharana iaku?’
4Pusina ma gê panira,
inê kê tarahua baharana iaku.
Inê kê ranguia
ma kê têa gatagata so.
Inê kê merâ i ruma iana kenaku
ma kê mebanu i na kiboru
gê vora igê.
5Kere gete ni Jerusaleme,
mu suru tangê
ma kamu tohe
renira na goti vasiga
ga asihura ka tangotango,
vi siana kamu hagaritea
na hetakuiha heri
mataro me ki obania ngaia marena.
Na oruta na vivita
Na gete
6Na ta kani arâ me akana tenia na masusu
i manga na robona na gi i akê ototo
i sigini manga na tavona na gatoga
manga na marâ i sigini koro?
7O Solomone ki râ me.
Ga tugia igê na âgâga iana.
Na mane ni me tangahuru ge ono
ka anumasia.
Ngaira ka na mane ni me i Isiraele
ga ramo teha ngavê.
8Ngaira ka manisingenigi na tatapa borahu
ma ka aitangisigi maninga na hearihatana.
Ngaira ka here nanê renigi na tatapa borahu i kâta,
suria hagare ma ta na tahariha igê na bungiana.
9Na âgâga iana na maneraha o Solomone
ka tagarahia renigi na apinige i Libanone.
10Na u ga têa akê na gahu i avorana
ka tagarahigi renigi na siliva.
Na gahu i avorana ga turagi igê na golo.
Na gahu igê na âgâga iana ki rotorotoaga memera,
ga tagarahia na gete ni Jerusaleme
suria ga takuia.
11Kere gete ni Jerusaleme
mu râ vurusia o Solomone
kamu bâsia na maneraha.
I bêna ki oga igê na tarepuri
kenana i naka i bêna
igê na tangiana i êragi moramora igê,
na tangiana na vagevageha raha iana.
Currently Selected:
ROMANI NA KIHA 3: KCB
Highlight
Share
Copy
Want to have your highlights saved across all your devices? Sign up or sign in
© 2011 Bible Society of the South Pacific