ROMANI NA KIHA 2
2
1Inê ka na mahe
na mahe ni Sarone
na mahe ni maruguni.
Na mane
2Barokona iaku
i berarogata na kere gete
ki manga na mahe bâkoro
i gupuni na tone.
Na gete
3Barokona iaku
i berarogata na kere gete
ki manga na gahiga
i gupuni na apinige ni vapu.
Inê kê barigia bâraha
vi ve oga i mamarugana.
Na guani ki mamaki ngavê tangê.
4Ngaia ki meêbanu
i ruma ni magotoha iana.
I ngekana ngaia ki kuharenia igê
na gahu na takuiha iana tangê.
5Ngaia ki hagangêê
renigi na guani na vaini
ma ki vateê
renigi na guani na gahiga,
suria na takuiha ki nahuiê
kê haga ni bagama me.
6Na rimana na mahana ki tâ
i siruguhana na bêku
ma na otona ki ruiê.
7Kere gete ni Jerusaleme
mu suru tangê
ma kamu tohe
renira na goti vasiga
ga asihura ka tangotango,
vi siana kamu hagaritea
na hetakuiha heri
mataro me ki obania ngaia marena.
Na ruata na vivita
Na gete
8E, na ringena!
Baharana iaku!
I arâ me akana!
I asireke harêngigi na barani.
I gaha harêngigi na hungani.
9Barokona iaku
ki manga na goti vasiga
manga na bêhâgana.
I ura noga ikana
hagarangia na apê ni ruma.
I mamare banu igê na mabaha.
I kikirihi banu igê na erahisi.
10Barokona iaku
ki tamasi tangê, ki vi:
Barokomu, aharaga.
Râ me, baharamu.
11Na matena ni rogaroga ahuru ki hato.
Na arito ru ki ura.
12I bemu na mahe ka taka igê.
Na manu ka angiangi vagevage.
Na kuvê ka mumu.
13Na guani na fiki ka matâsi.
Na vaini ka taka ka sigini koro.
Aharaga, barokomu.
Râ me, baharamu.
14Kuvê iaku,
go manga go rukuruku
igê na hegena na hê.
Hura me!
Tamasi me!
Na ringemu ki rongo koro iaku.
Na maamu ki bâkoro iaku.
15Têra na o vasiga,
na kere o vasiga,
ga erasigi na mu ni vaini
na mu ni vaini iakerua ga taka.
16Barokona kani iaku
ma inê kani iana.
Ngaia ki hagangêra na togoha iana
i gupuni na mahe.
17Igê na manurahitagana i magaroha,
matena i taketake arârâ na arito,
gu râ me, barokomu,
manga na goti vasiga
manga na bêhâgana
igê na hungani i Betere.
Currently Selected:
ROMANI NA KIHA 2: KCB
Highlight
Share
Copy
Want to have your highlights saved across all your devices? Sign up or sign in
© 2011 Bible Society of the South Pacific