ESEKIELE 2
2
God ki atea o Esekiele ki poropete
1Inê kê rongoa ta na ringe, i vi: “Igo, karena enoni ma, gu aharaga. Inê be tamasi tangago.” 2Matena i tamasi vikana, ma na raramohana God ki angariê, ma ki katoê, kê aharaga. Ma hemuri inê kê rongoa nikâ, i vi: 3“Igo, karena enoni ma, inê be hagatorangenigo tangara na Isiraelita. Ngaira ka guguruga bâraha ma ka haritoheê. Ngaira ka ama ni guguruga mênga. Ngaira ka maratorata na êvarita. 4Ngaira ka togeaga ngavê, ka pe hagahigasiê. Tahema, inê na Araha God, inê be hagatorangenigo. Ku hagarongora renigi na tamasinga iaku tangara. 5Inê kê bani girara, vi ngaira ka guguruga. Henaka vi ngaira ka têtê viteamu, se i mareha, ma ngaira hete kani ga girara, vi na poropete ki vatugira.
6“Igo, karena enoni ma, siana ko magutenira ngaira se na tamasinga iata. Ngaira ka page haganunugo ma ka page ruhigo. I page bâ, manga vi igo ko goga i berarogani na tone ma i berarogata na garagara pinihi. Henaka vi i manga ngekana, siana ko magutenira na eragani nuni ngegana, se vi na tamasinga iata. 7Gu hagarongora renigi na ara ni marâ, gê visigi tangago, naka ma ngaira ka karingago, se i mareha. Igo ko bani girara, vi ngaira ka togeaga ngavê.
8“Igo, karena enoni ma, gu karingagi maninga na tamasinga iaku. Siana ko guguruga mangara ngaira. Manga nga, ku ngêa na marâ, gê vatego.” 9Inê kê bâsia na rima, i tagarenia me tangê na buka. 10Ngaia ki tangahia, ma inê kê bâsigi na segesegeha i rarona. Ngaigi ka na hagagegeha, na hetakiha ma na mesiha.
Currently Selected:
ESEKIELE 2: KCB
Highlight
Share
Copy
Want to have your highlights saved across all your devices? Sign up or sign in
© 2011 Bible Society of the South Pacific