1. Timotäus 2
2
Daut Jebäd fa aule Menschen, besondasch fa de rejierende
1Ieeschtens, rod ekj junt nu, daut jie drinjent bäden. Bät uk fa aundre un dankt fa aule Menschen, 2fa de Kjennichs un aule dee huach aunjestalt sent, daut wie en Gottesforcht un Opprechtichkjeit ruich läwen kjennen. 3Daut es goot un es Gott onsen Heilant aunjenäm, 4dee doa haben well, daut aule Menschen sellen jerat woaren un de Woarheit kjanen lieren. #Hes 18,23; Reema 11,32; 2Pet 3,9 5Wiels doa es een Gott, un doa es een Vemedla, dee tweschen Gott un Menschen steit: de Mensch Christus Jesus, #Heb 9,15 6dee sikj selfst hanjeef aus Leesjelt fa aule Menschen. Daut wia to rajchte Tiet Bewies doafäa, daut Gott haben well, daut aule Menschen sellen jerat woaren. #Gal 1,4; 2,20; Tit 2,14 7Un ekj wort aus Prädja un Apostel aunjestalt (ekj räd de Woarheit un lieej nich), fa de Velkja een Liera to sennen em Gloowen un en de Woarheit. #Gal 2,7-8; 2Tim 1,11
Woo Mana un Frues sikj en de Jemeent to vehoolen hauden
8Waut ekj nu haben well, es daut de Maunslied, wuaemma see sent, bäden. See sellen heilje Henj opphäwen kjennen, un nich Bettanis ooda Twiewel em Hoat haben. 9Un de Frues sellen sikj aunstendich un schmock kjleeden. Äa Straums saul nich em Hoa flajchten ooda Golt un Kralen omhenjen sennen, #1Pet 3,3-5 10oba en goode Woakjen, soo aus daut eene Gottesferchtje Fru tookjemt. #1Tim 5,10 11Eene Fru saul em Stellen lieren, un unjadon sennen. #Efs 5,22 12Ekj jäw daut nich too, daut eene Fru aundre lieren saul, uk nich, daut see Har äwa äaren Maun es. #1Mo 3,16; 1Kor 14,34 13Wäajen Adam wort ieescht jemoakt, un dan Eva. 14Adam wort uk nich veleit, oba de Fru wort veleit un bruak Gott sien Jesaz. #1Mo 3,6 15Oba wan see uk Kjinja to Welt brinjen mott, see kaun seelich woaren, wan see em Gloowen un Leew un en de Heiljunk blift, un sikj beharscht. #1Tim 5,14; Tit 2,4-5
Currently Selected:
1. Timotäus 2: PB
Highlight
Share
Copy
Want to have your highlights saved across all your devices? Sign up or sign in
Plautdietsch Bible © 2003 Kindred Productions and United Bible Societies Association, Inc.