Nm CHIK'B'AB'L
CHIK'B'AB'L
Aju' u'j lu a tb'iju' kyajlal, qu'n nyolin kyi'j kyajlal aj Israel jaw tu'n Moyses: tnejel tej na'mxtoq kyik'b'et t-xe witz Sinayi, ex kyajlal jun wiq kyyajajil yajxi'tl toj tx'otx' Moab' toj tjawetzq'ij te nin a' Jordan. Expe' kab'e' ta'ya' tnejel kyajlal aj Israel jaw teyle junjun tnej kyyajajil, kse'nxju' kyajlal jaw tnejel maj, ex kyajlalju' kyxjal te q'oj. Nyolin ti'ju' b'aj tik'lenxi'ju' ntma'n toju' u'j te kyetzlen. Nyolin ti'ju' b'aj kyi'j aj Israel toj chq'ajlaj, tzajx tej kyik'b'et t-xe witz Sinayi tzmax tej kypon toj tjawetzq'ij te nin a' Jordan tb'ajlen kab'naq (40) ab'q'i, naqtoq tu'n kyik'xtl toju' nin a' tu'n kyokx toju' Tx'otx' Tziya'ntl kye tu'n Qman Dyos.
Intma'n tej kyb'inchante kyib' tu'n t-xi' kyljo'n kyb'e kyoju' tnejel b'eljoj tnej, kyk'momlentexi'ju' chaq'b'il, ex tb'ajlenxi' kyik'sa'n tkab' ninq'ij te Tzaqpib'l. Kyojtzu'n kab'lajoj (12) tnejtl ntma'na'ju' b'aj tej kyik'b'et tk'etz Sinayi tzmax tej kypon Moab'. Kyojtzu'n kyaje' tnejtl b'ajsb'il, ati jte' yol nejtl ti'j tkyaqilju' kyb'e kyetzlen Ejipt ex tej kypon Moab', ex b'ajx q'o'n chik'b'ab'l nim toklen kye na'mxtoq kyik'x toju' nin a' Jordan.
Nim toklenju' u'j te kyajlal, qu'n intma'n toj titi'chaq nojqelan tu'n kykuwanju' aj Israel toj joyb'ilkyi'j kuw toj tkyaqilju' kyb'e toj chq'ajlaj. Intoq anjti'j kyk'u'j, expe' b'jaw kyiq'i'n kyib' ti'j Dyos ex ti'j Moyses. Toj junjun majtl intoq kyq'o'n kyib' tu'n kyb'inte Dyos ex tu'n tkub' kyjk'u'n kyib'. Tojtzu'n tkyaqilju' tqanil lu q'ancha'lxi'x njapunte Qman Dyos tyol kyejni b'entti'j tu'n, ati tpasens ex majx ka'yi'nju' ttanam tu'n, maskyepe' nanjti'j kyk'u'j ex pi'sqe'. Ex ntyek'u'n majx b'a'ntel Moyses ex kuw, maskyepe' nb'aj junjun maj tpasens, majx ati tk'u'j ti'j Dyos ex ti'ju' ttanam.
Currently Selected:
Nm CHIK'B'AB'L: MAMO
Highlight
Share
Copy
Want to have your highlights saved across all your devices? Sign up or sign in
Biblia Mam Ostuncalco © Sociedad Bíblica de Guatemala 1999