APOKALIPSIA 4
4
GEROAGO GERTATZEKOA (4,1—22,21)
Jainkoaren tronua
1Ondoren, ikuskari bat izan nuen. Irekitako ate bat ikusi nuen zeruan, eta lehen mintzatua zitzaidan turuta-hotsa bezalako ahotsak esan zuen: «Igo hona, eta ondoren gertatzekoak direnak erakutsiko dizkizut».#ondoren gertatzekoak erakutsiko 1,1+.
2Bat-batean, Espirituak hartu ninduen. Tronu bat ikusi nuen zeruan eta tronuan norbait eseria#4,2 tronuan norbait eseria: Hau da irudirik erabiliena Ap-an Jainkoa adierazteko..#tronuan eseria 4,9; 5,1.7.13; 6,16; 7,10.15; 19,4; 21,5; 1 Erg 22,19; Is 6,1; Ez 1,26; Sal 47,9. 3Tronuan eseriak jaspe eta kornalina harrien itxura zuen, eta tronuaren inguruan esmeralda antzeko ortzadarra#4,3 ortzadarra: Hitzak argizko zisku/aureola ere esan nahi du, eta hala itzultzen dute askok. zegoen.#Jainkoaren tronua Ez 1,26-28. 4Tronuaren inguruan hogeita lau aulki zeuden, eta aulkietan eseriak hogeita lau zahar#4,4 hogeita lau zahar: Jainkoaren herria irudikatzen dute, Jainkoaren herria bere behin betiko egoeran., jantzi zuriak soinean eta urrezko koroak buruan zituztela.#zaharrak Is 24,23. jantzi zuriak 3,5+.
5Tronutik tximistak, danbatekoak eta trumoiak ateratzen ziren; aulkiaren aurrean zazpi argi-zuzi zeuden sutan, Jainkoaren zazpi espirituak adierazten zituztenak,#tximistak eta trumoiak 8,5; 11,19; 16,18; Ir 19,16; Ez 1,13. zazpi argi-zuzi Ez 1,13; Za 4,2. zazpi espirituak 1,4+. 6eta aulkiaren aurrean itsaso antzeko zerbait hedatzen zen, kristala bezain gardena.
Tronuaren erdian eta inguruan lau izaki bizidun zeuden, begiz beteak atzetik eta aurretik#4,6 lau izaki… begiz beteak…: Lau izakiok mundu kreatuaren irudi dira. Begiz beteak: Ik. 1,14 oh. Pasarte honetako sinboloak Ez 1,5-21ean oinarritzen dira. Eskuarki, Ezekiel da Apokalipsiaren sinbolo-iturri garrantzizkoena. San Ireneoz gero, kristau-tradizioak lau ebanjelarien sinbolo egin ditu animalia antzeko lau izakiok (ik. 7. tx.)..#lau izaki bizidun Ez 1,5-10; 10,14.#kristala bezain gardena Ez 1,22. 7Lehen izakia lehoi antzekoa zen; bigarrena zezen antzekoa; hirugarrenak gizaki antzeko aurpegia zuen, eta laugarrena hegaz doan arrano antzekoa zen. 8Lau izakiok seina hego zituzten, begiz beteak kanpotik eta barrutik. Gau eta egun honela ari dira etengabe:
«Santu, santu, santua
Jauna, Jainko ahalguztiduna,
zena, dena eta etortzekoa».#seina hego Is 6,2. begiz beteak Ez 1,18; 10,12. Santu, santu, santua Is 6,3. Jainko ahalguztiduna 1,8+. zena, dena eta etortzekoa 1,4+.
9Eta izakiek tronuan eseria dagoenari, menderen mendetan bizi denari, aintza, ohorea eta esker ona ematen dioten bakoitzean,#tronuan eseria 4,2+. mendetan bizi denari Dn 4,34; 6,27. 10hogeita lau zaharrak tronuan eseria dagoenaren aurrean ahuspezten dira, menderen mendetan bizi dena adoratzen dute eta beren koroak tronuaren aurrera botatzen, esanez:
11«Gure Jaun eta Jainko hori,
zu bazara nor
aintza, ohorea eta ahalmena
hartzeko,
zeuk baitzenituen
gauza guztiak egin
eta, zuk nahi izan duzulako,
baitira sortu eta dira oraindik».
Currently Selected:
APOKALIPSIA 4: EAB
Highlight
Share
Copy
Want to have your highlights saved across all your devices? Sign up or sign in
Elizen Arteko Biblia (EAB) Biblia en Euskara, Traducción Interconfesional) Copyright © Sociedad Bíblica de España, 2008 Utilizada con permiso