ISAIAS 60
60
Jerusalem berriaren distira
1Jaiki#60,1 Jaiki: 60. kap.ak 49.aren formula asko jasotzen ditu. Ingurune historikoa K.a. 520an Ageo profetak azaltzen duena bera da (ik. Ag 2,7-9)., Jerusalem, egizu distira,
badator-eta zure argia:
Jaunaren aintza zure gain ageri da!#Jaiki 51,17; 52,2. badator zure argia 58,8-10. Ik. 59,9. Jaunaren aintza Ap 21,11.
2Ikus, ilunpetan dago lurra,
gau beltzean herriak;
zure gain, ordea, Jauna ageri da,
haren aintza zure gain nabari.#ilunpetan lurra 9,1.
3Zure argirantz joko dute herriek,
zure egunsenti-distirarantz
erregeek.#Zure argirantz herriak Ap 21,24. Ik. 2,2-4; 49,6+.
4Begira ingurura eta ikus:
seme-alaba guztiak
zuregana datoz, bildurik:
urrutitik datoz zure semeak,
besoetan dakartzate zure alabak.#Begira ingurura 49,18-22; Ba 5,5-6.
5Haiek ikusiz, distiratsu jarriko zara,
bihotza pozez lehertzeko zorian;
zuregana bilduko dituzte
urrutiko herrien altxorrak,
zuregana ekarriko
nazioen ondasunak.#herrien altxorrak Ag 2,7; Sal 72,10.
6Gamelu ugariz beteko zara,
Madian eta Efako karabanak#60,6 Efako karabanak: 6-7 tx.etan aipaturikoak Arabiar penintsula eta Sinai basamortuko lurralde eta herriak dira (ik. 21,16; 42,11; Ir 2,15; 1 Erg 10,1).
etorriko dira,
baita Sabako guztiak ere,
urrea eta intsentsua ekarriz
eta Jaunaren egintza goresgarriak
hots eginez.#urrea eta intsentsua 1 Erg 10,2; Mt 2,11.
7Zuretzat bilduko dituzte
Kedarko artalde guztiak,
zeure zerbitzurako izango dituzu
Nebaiot-eko ahariak;
Jaunari eskainiko zaizkio
bere aldare gainean,
berarentzat opari atsegingarri,
eta Jaunak
are bikainago bihurtuko du
beraren ospea agertzen duen
tenplua.#Kedar 21,16+.
8Zer ari naiz ikusten?
Zeruan zehar hodeiak bezala,
usategira usoak hegan bezala,
9itsasontziak datoz Jaunarengana,
Tarsiseko ontziak#60,9 Tarsiseko ontziak: Ik 23,1 oh. aurretik direla;
zure seme-alabak
urrutitik dakartzate,
urrez eta zilarrez beterik.
Jaunaren, zure Jainkoaren,
omenez datoz,
ospez jantzi zaituen
Israelen Jainko santuaren omenez.#Tarsiseko ontziak 2,16+. seme-alabak ekarri 49,22. ospez jantzi 55,5.
10Jaunak dio:
«Atzerritar jendeak
berreraikiko ditu zure harresiak,
eta haien erregeak
zerbitzari izango dituzu;
izan ere, neure haserrean
zigortu zintudan arren,
neure onginahian
gupidatu egin naiz zutaz.#harresiak berreraiki 49,17. erregeak zerbitzari 49,23. zigortu zintudan arren 54,7-8.
11Zure ateak
zabalik egongo dira beti,
gau eta egun itxi gabe,
nazioen erregeak
beren ondasunekin
erreskadan zuregana sarrarazteko.#ateak zabalik Ap 21,25-26.
12Zerbitzura jarriko ez zaizkizun
herri eta erreinuak
bertan behera galduko dira,
nazioak erabat hondatuko.
13«Zuregana ekarriko dituzte
Libanoko zedro ospetsuak,
zipres, zumar eta izeiekin batera,
nire santutegia apaintzeko;
ospez beteko dut
bizi naizen tenplua#60,13 bizi naizen tenplua: H.h., nire oinen tokia..
14Burumakur etorriko zaizkizu
zeure zapaltzaileen seme-alabak,
zure oinetan ahuspeztuko
mespretxatu zintuzten guztiak.
“Jaunaren Hiri”,
“Israelen Jainko santuaren Sion”
deituko dizute.#zure oinetan ahuspeztuko 49,23+; Ap 3,9. izen berria 1,26+; Sal 87,3.
15«Bazterturik, gorrotatua
eta bakarrik utzia egon bazara ere,
gizaldien harro-bide egingo zaitut,
mende guztien pozgarri.#bakarrik utzia 49,14+; 62,4.12.
16Amak haurtxoa bularrean bezala
janarituko zaituzte
nazio eta erregeek#60,16 Amak… erregeek: H.h., Nazioen esnea edoskiko duzu, erregeen titia hartuko.,
orduan jakingo duzu
ni, Jauna, naizela zure salbatzailea,
ni, Israelen Jainko indartsua,
naizela zure askatzailea.#erregeek janarituko 49,23. zure salbatzailea 43,3+. askatzailea 41,14+.
17«Brontzearen ordez urrea
ekarriko dizut,
burdinaren ordez zilarra,
zuraren ordez brontzea
eta harriaren ordez burdina.
Bakea jarriko dizut gobernari,
justizia zuzendari.#justizia zuzendari 1,26; 54,14.
18Ez da gehiago zure herrialdean
gogorkeri hotsik entzungo,
ez zure mugetan
hondamendi eta triskantzarik izango;
“Salbamen” deituko diezu
zeure harresiei,
“Gorespen” zeure ateei.
19«Aurrerantzean ez duzu
eguzkirik beharko eguna argitzeko,
ezta ilargi-distirarik ere gauez,
ni, Jauna, izango bainauzu
zeure argi betiko,
ni, zeure Jainkoa, distira.#Jauna zeure argi betiko Ap 21,23; 22,5. Ik. Lk 1,78.
20Zure eguzkia
ez da behin ere jaitsiko,
ezta zure ilargia gordeko ere,
ni, Jauna, izango bainauzu
zeure argi betiko,
eta amaituak izango dira
zure negar-egunak.#amaituak negar-egunak 61,3; Ap 21,4.
21Zure herritarrak
zintzo izango dira denak
eta lurraldearen jabe
bihurtuko betiko:
nik ezarritako landare berri,
neure ospea agertzeko
eginiko obra.#herritarrak denak zintzo 54,13-14. lurraldearen jabe 57,13+.
22Hain gutxi izanik,
milaka ugalduko dira;
hain kaskar izanik,
nazio handi bihurtuko.
Berehala gertaraziko dut nik,
Jaun honek,
garaia iritsi bezain laster».
Currently Selected:
ISAIAS 60: EAB
Highlight
Share
Copy
Want to have your highlights saved across all your devices? Sign up or sign in
Elizen Arteko Biblia (EAB) Biblia en Euskara, Traducción Interconfesional) Copyright © Sociedad Bíblica de España, 2008 Utilizada con permiso