Rut 3
3
Rut casarakunanpaq Noemí umachasqanmanta
1Huk punchawmi llumchuyninta Noemí nirqa:
Wawalláy, maskapusqaykiyá hukkaqnin qarita qosaykipaq, chaynapi kusisqa kawsakunaykipaq. 2Kachkanmi ayllunchik Booz, paypa criadankunawan kuskam llamkamurqanki. Kunan tutam payqa cebadata wayrachinqa. 3Chaynaqa, bañakuspayá perfumewan hinakuy, hinaspayá musoq pachaykikunawan churakuykuspa eraman riy. Ichaqa amaraqmi paywanqa reqsichikunkichu, mikuyta tomayta tukunankama. 4Qawankim maypim puñusqanta, hinaspam haytananta kichaykuspa chaypi puñuykunki; payñam nisunki imam ruwanaykitapas, nispa.
5Chaymi Rut nirqa:
Tukuy kamachiwasqaykitam ruwasaq, nispa.
6Eraman rispanmi Rutqa suegranpa tukuy kamachisqanman hina ruwarqa. 7Mikuytapas tomaytapas tukuruspanmi Boozqa kusisqallaña pasaspan monton cebadapa waqtanpi puñuykurqa. Rutmi upallalla asuykuspan Boozpa haytananta kichaykuspan ustuykurqa. 8Yaqa chawpi tutatam qonqaymanta tikraparikuspan Boozqa musyarurqa haytananpi huk warmi puñuchkaqta.
9Chaymi Booz tapurqa:
¿Pim kanki? nispa.
Rutñataqmi nirqa:
Serviqniki Rutmi kani, ñoqapa hawayman qataykipa patanta sawaykamuy, qamqa kanki wañukuq qosaypa ayllunmi, chaynaqa nanachikuwanaykim, nispa.
10Hinaptinmi Booz nirqa:
Diosyá bendecisunki mamay, kunanmi qawaykuni punta sumaq ruwasqaykimantapas aswan allintaraq ruwasqaykita, munaspaykiqa aswan joventaraqmi aputapas wakchatapas maskakuruwaq karqa, ichaqa manam chaytachu ruwarqanki. 11Chaynaqa, amayá manchakuychu, ñoqam ruwasaq qanwan imam mañakuwasqaykiman hina. Llaqtaypi kaqkunaqa yachankum allin sonqoyuq warmi kasqaykita. 12Cheqaptapuni nanachikuq aylluyki kachkaptiypas, kachkanraqmi ñoqamanta aswan hichpa aylluyki. 13Paqarin achikyaqta nanachikusaqmi niptinqa allinmi kanqa, manam niptinmi ichaqa ñoqa nanachikusqayki. Kunan tutaqa kaypiyá samakuy, Diospa qayllanpim rimachkanchik, chaynaqa tutamantakamayá puñukuy, nispa. 14Boozpa haytananpi puñusqanmantam Rutqa manaraq runa reqsiy horata hatarirurqa; chaynataqa ruwarqa Boozpa: “Amam pipas yachanqachu eraman warmi hamusqanta, nisqanraykum”.
15Boozqa nirqataqmi:
Tapakusqayki mantonnikita mastaykuspayki sumaqta hapiykuy, nispa. Mantonninta Rut mastariykuptinmi Booz talliykurqa yaqa tawa arroba cebadata, chayta churkuykuptinmi wasinman ripukurqa.
16Wasinman Rut chayaruptinmi suegran tapurqa:
¿Allinchu karamunki wawalláy? Nispan.
Chaymi Rut willarqa Boozpa tukuy ima nimusqanmanta.
17Rutqa nirqataqmi:
Yaqa tawa arroba cebadatam qoykamuwan: “Suegraykimanqa amayá hinallaqa kutiychu”, nispan.
18Chaymi Noemí nirqa:
Wawalláy, suyaykusunyá imaynam kaykuna tukunankama, chay runaqa manam samaykunqachu imam qallaykusqanta tukunankama, nispa.
Currently Selected:
Rut 3: RCHQ2
Highlight
Share
Copy
Want to have your highlights saved across all your devices? Sign up or sign in
Chuya Qellqa Revisión @ Sociedad Bíblica Peruana, 2012