Salmos 149
149
Reyninchik Diosta yupaychanamanta
¡Aleluya!
1¡Aleluya! Tayta Diosman musoq takita takipuychik,
chuyanchasqankuna huñunakuspa yupaychaychik.
2Israelpa mirayninkuna unanchaqnikichikpi kusikuychik,
Sión llaqtapi yachaqkuna Reynikichikpi kusikuychik.
3Paytayá danzawan yupaychaychik,
panderetawan arpawan takipuychik.
4Tayta Diosmi llaqtanwan kusikun;
uchuychakuqkunatam vencechispa hatunchan.
5Tayta Diospa chuya llaqtan,
vencesqaykichikmanta kusikuychik
camaykichikpipas kusikuymanta takiychik.
6Diosta simikichikwan hatunchaychik,
makikichikwanñataq iskay filoyuq espadata hapiychik,
7chaynapi nacionkunata vengakunaykichikpaq,
llaqtakunata castiganaykichikpaq;
8reyninkuta cadenawan watuchanaykichikpaq,
kamachiqninkunata fierro cadenawan chaqnanaykichikpaq;
9paykunapa contrankupi, Diospa castigonta
ruwayman churanaykichikpaq.
Chaymi chuyanchasqankunapa kusikuynin kanqa.
¡Aleluya!
Currently Selected:
Salmos 149: RCHQ2
Highlight
Share
Copy
Want to have your highlights saved across all your devices? Sign up or sign in
Chuya Qellqa Revisión @ Sociedad Bíblica Peruana, 2012