Salmos 148
148
Unanchasqankunapa Diosta yupaychananmanta
¡Aleluya!
1Hanaq pachapi kaqkuna ¡Tayta Diostayá yupaychaychik!
Altokunapi kaqkuna ¡Tayta Diosta hatunchaychik!
2Llapallan angelninkuna payta yupaychaychik,
hanaq pachapi tropankuna payta hatunchaychik.
3Inti, killa qamkunapas payta yupaychaychik,
kanchariq chaskakuna payta hatunchaychik!
4Hanaq pacha, qampas payta yupaychay,
cielokunapa hawanpi yakukuna payta hatunchaychik.
5Tayta Diospa sutinta yupaychaychik.
Pay kamachiptinmi imakunapas unanchasqa karqa.
6Paymi unanchasqankunata wiñaypaq takyachirqa;
kamachikuykunatam qomurqa kasukusqa kananpaq
7Kay pachapi kaqkuna Tayta Diosta hatunchaychik
Lamar qochapi manchakuypaq animalkuna,
payta yupaychaychik.
8Rayowan runtu parapas,
ritiwan puyupas,
loco parawan wayrapas,
kamachisqantam ruwan.
9Orqokunawan qasakunapas,
ruruq sachakunawan cedrokunapas,
payta yupaychaychik.
10Uywa animalkunawan purun animalkunapas
payta hatunchaychik,
pampan puriq animalkunawan pawaq animalkunapas
payta yupaychaychik.
11Kay pachapi reykunapas llapallan llaqtakunapas,
payta hatunchaychik,
kamachikuqkunawan juezkunapas
payta yupaychaychik.
12Jovenkunawan sipaskunapas
payta hatunchaychik,
yuyaqkunawan wawakunapas,
payta yupaychaychik.
13Tayta Diospa sutinta yupaychaychik,
paypa sutin hatunchasqa kachun.
Payqa kay pachapipas hanaq pachapipas munaychakuqmi.
14Payqa llaqtanman atiy qoqmi;
llapallan chuyanchasqankuna
payta yupaychaychik,
Israelpa mirayninkunawan, Diospa llaqtankuna,
payta hatunchaychik.
¡Aleluya!
Currently Selected:
Salmos 148: RCHQ2
Highlight
Share
Copy
Want to have your highlights saved across all your devices? Sign up or sign in
Chuya Qellqa Revisión @ Sociedad Bíblica Peruana, 2012